Amose 3:8 - Siswati 1996 Bible

⁸ Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Amose 3:8 Referencias Cruzadas

Isaya 21:10

Awu, sive sami, senipitjitelwe phansi ebaleni lekubhulela kolo, ngiyanitjela loko lengikuvile kuSimakadze longuSomandla, kuNkulunkulu wema-Israyeli.

Isaya 31:4

Naku-ke lokushiwo nguSimakadze kimi, utsi: “Njengobe libhubesi lihhonga, libhubesi lelikhulu, nalibambe inyamatane yalo, ngisho nome sekuhlatjwa umkhosi kubitwa belusi labanyenti kutsi batekulwa nalo, aletfuswa kumemeta kwabo, futsi aliphatanyiswa ngulomsindvo wabo, kanjalo-ke naSimakadze longuSomandla uyakwehlela esicongcweni seNtsaba iSiyoni kutsi atekulwa imphi.

Jeremiya 20:9

Kodvwa nangitsi: “Ngingeke ngisambita, futsi ngeke ngisakhuluma egameni lakhe,” livi lakhe lisenhlitiyweni yami lishisa njengemlilo lovalelwe ematsanjeni ami. Sengidziniwe kulibandzetela ngekhatsi kimi, ngempela angisakhoni.

Jeremiya 26:12

Jeremiya wase ukhuluma kuto tonkhe letiphatsimandla nakubo bonkhe labantfu, watsi: “Simakadze ungitfumile kutsi ngitewuphrofetha ngalendlu nangalelidolobha tonkhe letintfo lesenitivile.

Hezekeli 29:21

“Ngalelo langa ngiyawukhulisa luphondvo lwendlu yaka-Israyeli, futsi ngiyawukuvumela, wena Hezekeli, kutsi ubuye uvule umlomo wakho emkhatsini wabo. Ngulapho-ke bayawukwati khona kutsi mine nginguSimakadze.”

Amose 1:2

Amose wakhuluma watsi: “Simakadze uyabhodla eSiyoni, yebo, Simakadze uyabhavumula aseJerusalema, emadlelo ebelusi ayoma, nesicongo sentsaba iKhameli siyabuna.”

Amose 2:12

“Kodvwa nine nanatsisa baNaziri liwayini, nalela baphrofethi bami kutsi baphrofethe.

Amose 3:4

Libhubesi liyabhodla yini ehlatsini, lingakabambi inyamatane? Libhubesi lelincane lona lingahhonga yini endzaweni yalo, lingakabambi lutfo?

Imisebenti yebaPhostoli 4:20

Ngako singeke tsine siyekele kukhuluma ngaloko lesikubonile nalesikuvile.”

Imisebenti yebaPhostoli 5:20

“Hambani niye ethempelini, nitjele bantfu bonkhe ngalemphilo lensha.”

Imisebenti yebaPhostoli 5:29

Phetro nalabanye baphostoli baphendvula batsi: “Kufanele silalele Nkulunkulu kunekulalela bantfu.

1 kubaseKorinthe 9:16

Nangishumayela liVangeli, angikafaneli kutigabatisa, ngobe vele ngimelwe kulishumayela. Kodvwa maye kimi, nangingalishumayeli liVangeli!

Sembulo 5:5

Lelinye lalamalunga latsi kimi: “Ungakhali! Asubuke! INgwenyama yesive sakaJuda, lengumliba waDavide incobile. Yona-ke ingaticatulula letimphawu letisikhombisa ivule lencwadzi.”