Amose 3:2 - Siswati 1996 Bible

² “Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Amose 3:2 Referencias Cruzadas

Genesisi 10:32

Ngiyo-ke le imindeni yemadvodzana aNowa ngetitukulwane tawo nangetive tawo. Tive tesukela kuwo, emvakwazamcolo, tandza nemhlaba wonkhe.

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Tihlabelelo 147:19

Wembula livi lakhe kuJakobe, timiso nemiyalo yakhe ku-Israyeli.

Eksodusi 32:34

Hamba-ke uyewuhola labantfu ubayise kulendzawo lengikhulume ngayo kuwe, ingilosi yami itawuhamba embikwakho. Kodvwa siyeta sikhatsi lapho ngitawubajezisa ngenca yekona kwabo.”

Isaya 63:19

Tsine sibakho kusukela kadzenidzeni; kodvwa shangatsi wena awukabusi etikwetfu, asikaze sabitwa ngeLibito lakho.

Jeremiya 1:15

Sekusedvutane kutsi ngibite tonkhe tive temibuso yangasenyakatfo,” kusho Simakadze. “Emakhosi ato ayakuta, atewumisa tihlalo tawo tebukhosi ekungeneni kwemasango aseJerusalema. Ayakuta ahlasele lonkhe lubondza loluyitungeletile kanye nawo onkhe emadolobha akaJuda.

Jeremiya 10:25

Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.

Jeremiya 11:22

ngako-ke naku lokushiwo nguSimakadze longuSomandla, utsi: “Ngitabajezisa. Emajaha abo atawubulawa ngenkemba, emadvodzana nemadvodzakati abo abulawe yindlala.

Jeremiya 13:21

Uyawutsini-ke ngesikhatsi Simakadze asabeka etikwakho labo lebewubetayeta kutsi babe bangani bakho? Buhlungu bungeke yini bukubambise kwemfati nakabeleka?

Jeremiya 14:10

Naku lokushiwo nguSimakadze ngalesive, utsi: “Bakutsandza kakhulu kuzulazula; abatibambi tinyawo tabo. Ngako Simakadze akabemukeli, nyalo sewutabukhumbula nebubi babo, abajezisele tono tabo.”

Jeremiya 9:25

Simakadze umemetela utsi: “Lalela ngikutjele! Ayeta emalanga, lapho ngiyawujezisa bonkhe labasoke enyameni kuphela,

Hezekeli 5:9

Ngenca yato tonkhe letithico takho letisinengiso, ngiyakwenta kuwe loko lengingazange sengikwente ngaphambili, futsi ngingeke ngiphindze ngikwente.

Hezekeli 9:6

Bulalani nicedze emadvodza lamadzala, nemajaha, netintfombi, nebafati, nebantfwana, kodvwa ningatsintsi namunye loneluphawu. Calani endlini yami lengcwele.” Ngako bacala ngebaholi lababesembikwelithempeli.

Danyela 9:12

Uwagcwalisile emavi akho lowawakhuluma ngatsi nangebabusi betfu, uwagcwalise ngekwehlisela inhlekelele lenkhulu etikwetfu. Kute nakunye lokwake kwenteka ngaphansi kwelizulu lokunjengaloku lokwenteke kuyo iJerusalema.

Hoseya 2:13

Ngiyawumjezisa ngenca yalawo malanga lashisa ngawo imphepho kuboBhali, wativunulisa ngetindandatho nangemihlobiso yakhe lemihle, walandzelana nemashende akhe, kodvwa mine wangikhohlwa,” kusho Simakadze.

Hoseya 5:3

Ngati konkhe nga-Efrayimu; Israyeli akafihlakali kimi. Efrayimu, wena sewugucukele ebugwadleni, Israyeli sewonakele.”

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

Amose 2:4

Naku lokushiwo nguSimakadze, utsi: “Bantfu bakaJuda bone kwaze kwengca, ngaleso sizatfu ngingeke ngihlale ngingabajezisi. Bawulahlile umtsetfo waSimakadze, bangete batigcina timiso takhe, bedukiswe tithico, lekutithico letatikhontwa boyisemkhulu.

Amose 3:3

Bantfu lababili bangahambisana yini kanyekanye bangakavumelani?

Amose 6:1

Maye kini, nine labanetsetekile eSiyoni, nakini nine labativela bavikelekile entsabeni yaseSamariya! Maye nakini, nine madvodza lagcamile esiveni lesikhulu nalesisekucala etiveni tonkhe, nine labeta kini baka-Israyeli!

Mikha 2:3

Ngako Simakadze utsi: “Ngitanehlisela sehlakalo, futsi kuyawubate loyawuphepha kuso. Niyawutikhandza senisekhatsi elubishini, lapho ningaseyiwuhamba ngekutigabatisa lokungaka.

Nahume 3:4

Konkhe loku kuye ngebunyenti benkhanuko yengwadla lebukekako, umhhunguli wabo bonkhe butsi, ingwababane leyagcilata tive ngebugwadla bayo netive tonkhe ngebutsi bayo.

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

KubaseRoma 2:9

Kuyawuba khona kuhlupheka nebuhlungu lobumatima kubo bonkhe bantfu labenta lokubi, kucale kumaJuda bese kulandzela betive.

1 kubaseKorinthe 8:3

Kodvwa nangabe umuntfu atsandza Nkulunkulu, yena-ke watiwa nguye Nkulunkulu.

Dutheronomi 10:15

Noko Simakadze lutsandvo lwakhe walwenta lwanamatsela kubokhokho benu, wabatsandza, wanikhetsa nine titukulwane tabo, ngetulu kwato tonkhe tive, njengobe kunjalo lamuhla.

Dutheronomi 26:18

Lamuhla naSimakadze sewetsembisile kutsi nisive sakhe, niligugu lakhe latitsengele lona njengobe etsembisa, nekutsi niyawugcina yonkhe imiyalo yakhe.

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

Dutheronomi 4:32

“Phenyisisani ngalokwenteka emalangeni akadzeni nisengakatalwa, kusukela ngelilanga Nkulunkulu ladala ngalo umuntfu emhlabeni; phenyisisani kusukela ngale kwemazulu kuye ngale kwawo. Intfo lenkhulu kangaka yake yenteka yini nome intfo lenjengayo yake yevakala yini?

Dutheronomi 7:6

Ngobe nine nisive lesingcwele saSimakadze Nkulunkulu wenu. Simakadze Nkulunkulu wenu unikhetse emkhatsini wato tonkhe tive letisebusweni bemhlaba, kutsi nibe sive sakhe, sive lesiligugu lelingelakhe.

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?