Amose 3:10 - Siswati 1996 Bible

¹⁰ Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

Amose 3:10 Referencias Cruzadas

Jobe 20:21

Sekute nalokuncane lokusele yena langakudla, bunjinga bakhe ngeke buphumelele bume.

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Taga 1:13

Sitawutfola tonkhe tintfo letiligugu, sigcwalise tindlu tetfu ngetimphahla lesitichwagile.

Taga 11:16

Umuntfu lomsikati lonemusa utfola ludvumo ngako, kantsi bantfu labanelutfutfuva batfola ludvumo ngemcebo wabo.

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 5:4

Ngacabanga ngatsi: “Laba ngulabamphofu bodvwa, batilima, ngobe abayati indlela yaSimakadze, imiyalo lefunwa nguNkulunkulu wabo, kubo.

Hezekeli 18:7

Akacindzeteli muntfu, kodvwa ubuyisela sibambiso lasitsatsile nakenta sebolekiso. Akadleleli, kodvwa wephana nangekudla kwakhe kulabalambile, anikele ngekwekwembatsa kulabo labahlubulile.

Hezekeli 22:29

Bantfu bakulelive baphanga nekuphanga bagcekeze nekugcekeza; bacindzetela labamphofu nalabeswele, babaphatse kabi bekuhamba, bangabaphatsi ngekwemtsetfocotfo.

Hezekeli 8:17

Watsi kimi: “Ndvodzana yemuntfu, ukubonile loko? Kuyintfo lencane yini kutsi indlu yakaJuda yente letintfo letisinengiso kangaka labatentako lapho? Kufanele yini kutsi nabo baphindze bagcwalise nelive ngebudlwangudlwangu bachubeke nekungichukuluta kutsi ngitfukutsele? Ase ubabuke nje, nase bahlohlela ligala emakhaleni abo!

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 5:7

Nine lenigucule imphatfocotfo nayenta yababa, kulunga nakudzaceka phansi emhlabatsini!

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Amose 6:3

Nikhweshisela eceleni lilanga lelibi, bese nisondzeta edvutane umbuso lowesabisako.

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Mikha 6:10

Etindlini talababi kugcwele umcebo labawutfola ngebubi. Basebentisa tikali ngebucili, lekunguyonantfo lengiyitondzako.

Zefaniya 1:9

Ngalelo langa ngiyawubajezisa bonkhe labo labagwema kunyatsela emnyango, besaba tithico, labagcwalisa lithempeli labonkulunkulu babo ngebudlova nangenkhohliso.”

2 yaPhetro 3:5

Ngobe batsandza kukhohlwa kutsi emazulu abevele asakhona kadzenidzeni, nekutsi Nkulunkulu wakhuluma ngelivi lakhe, kwavela umhlaba emantini, wabasemkhatsini wemanti.