Amose 2:5 - Siswati 1996 Bible

⁵ Ngako-ke ngitakwehlisela umlilo etikwaJuda lotawushisa ucotfule tigodlo taseJerusalema.”

Amose 2:5 Referencias Cruzadas

2 Emakhosi 25:9

Wafike wokhela ngemlilo lithempeli laSimakadze, nesigodlo senkhosi kanye nato tonkhe tindlu taseJerusalema. Watokhela ngemlilo tonkhe tindlu letibalulekile.

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 21:10

Ngitimisele kwenta lokubi kulelidolobha, hhayi lokuhle, kusho Simakadze. Liyawuniketelwa etandleni tenkhosi yaseBhabhulona, ilibhubhise ngemlilo.’ ”

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 52:13

Walumeka umlilo ethempelini laSimakadze nasesigodlweni senkhosi, nakuto tonkhe tindlu taseJerusalema; tonkhe letatibalulekile watishisa.

Hoseya 8:14

Israyeli sewumkhohliwe uMenti wakhe, wakha tigodlo; Juda sewubiyele emadolobha lamanyenti. Kodvwa ngitawutfumela umlilo etikwalamadolobha abo, loyawushisa letinqaba tabo uticedze.”

Amose 1:4

Ngako ngitakwehlisela umlilo endlini yakaHazayeli, lotawushisa ucotfule leto tigodlo takaBheni Hadadi.

Amose 3:11

Ngaleso sizatfu naku lokushiwo yiNkhosi Simakadze, itsi: “Sitsa siyakulitungeleta live, sibhidlite tonkhe tinqaba tenu, siphange netigodlo tenu.”

Amose 3:15

Ngiyawubhidlita indlu yasebusika kanye nendlu yasehlobo, tindlu letihlotjiswe ngematinyo etindlovu tiyawubhidlitwa, kanjalo netindlu letibukekako tiyawuhhihlitwa,” kusho Simakadze.

Amose 7:4

Naku-ke iNkhosi Simakadze lengibonise kona: INkhosi Simakadze beyisabita kwehlulela kwemlilo, lomlilo womisa lwandle lolungaphansi kwemhlaba, waze lomlilo wacala kudla live.