Amose 2:12 - Siswati 1996 Bible

¹² “Kodvwa nine nanatsisa baNaziri liwayini, nalela baphrofethi bami kutsi baphrofethe.

Amose 2:12 Referencias Cruzadas

Isaya 30:10

Bakhuluma kubaboniswa batsi: “Sale ningabe nisayibona imibono,” nakubaphrofethi batsi: “Sale ningabe nisasitjela tembulo talokungiko. Sitjeleni tintfo letikitalakitanako, phrofethani emanga.

Jeremiya 11:21

Ngako-ke naku lokushiwo nguSimakadze ngemadvodza ase-Anathothi lafunana nemphilo yami, atsi: “Ungaphrofethi ngelibito laSimakadze, funa sikubulale ngetandla tetfu,”

Jeremiya 35:5

Ngase ngibeka titja letatigcwele liwayini nalamanye emakomishi embikwemadvodza emndeni wemaRekhabi, ngakhuluma kuwo ngatsi: “Ase ninatse nali liwayini.”

Amose 7:13

Ungaphindzi uphrofethe lapha eBetheli, ngobe lena yindzawo lekutsiwa ingcwele yenkhosi, nelithempeli lembuso.”

Amose 7:16

Manje-ke vani livi laSimakadze. Wena watsi: “ ‘Ungaphrofethi lokumelene na-Israyeli. uyekele nekushumayela umelane nendlu ya-Isaka.’

Mikha 2:6

Lesive saphrofetha kimi, satsi: “Ungasiphrofethi, ungasishumayeli ngaloko. Nkulunkulu angeke asihlazise.

Numeri 6:2

“Tjela sive sema-Israyeli utsi: ‘Nome ngubani lomdvuna nome lomsikati, loyakwenta setsembiso sekuba ngumNaziri ngekutehlukanisela Simakadze,

Numeri 6:3

uyakwehlukana neliwayini netjwala. Akasayikuyinatsa iviniga leyentiwe ngeliwayini nome-ke nganguluphi luhlobo lwetjwala. Akukafaneli anatse nesinatfo semagelebisi, angasawadli ngisho nemagelebisi nome ngulomisiwe nome ngulamanti.