Amose 2:10 - Siswati 1996 Bible

¹⁰ “Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.

Amose 2:10 Referencias Cruzadas

Nehemiya 9:21

Wabagcina ngekubasekela iminyaka lengema-40 ngesikhatsi basesehlane; abazange beswele lutfo, timphahla tabo atizange tiguge, kantsi netinyawo tabo atizange tivuvuke.

Tihlabelelo 95:10

Iminyaka lengemashumi lamane nganengwa nguleso sive, ngadzimate ngatsi: ‘Basive, lesinhlitiyo yaso yedukile, abaticaphelanga tindlela tami.’

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

Jeremiya 2:6

Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’

Hezekeli 20:10

Ngako-ke ngabahola ngabakhipha eGibhithe, ngabefikisa ehlane.

Amose 3:1

Lalelani nankha emavi lashiwo nguSimakadze ngani, anisola nine, sive sema-Israyeli, umelana nawo wonkhe umndeni lawukhipha eGibhithe, utsi:

Amose 9:7

“Nine, ma-Israyeli, anifanani yini kimi nemaKushe?” kusho Simakadze. “Angizange ngimkhiphe yini Israyeli eGibhithe, nemaFilisti eKhaftori ngakhipha nemaSiriya eKhiri?”

Mikha 6:4

Nganikhipha eGibhithe; nganikhipha ebugcilini, ngatfumela boMosi na-Aroni, naMiriyamu kutsi banihole.

Numeri 13:32

Ngako basakata umbiko lomubi esiveni sema-Israyeli ngalelive bebayewulihlola. Bakhuluma, batsi: “Lelive lesidzabule kulo silihlola, lilive lelidla bantfu labahlala kulo. Bonkhe labantfu lesibabonile kulo badze kakhulu.

Numeri 21:25

Ema-Israyeli awatfumba onkhe emadolobha ema-Amori, awadla aba ngewawo kanye neHeshboni netabelo tayo tonkhe.

Numeri 32:13

Intfukutselo yaSimakadze yavutsela sive sema-Israyeli, wasenta sazulazula ehlane iminyaka lengema-40, saze safa saphela sonkhe leso situkulwane lesasente lokubi embikwaSimakadze.

Imisebenti yebaPhostoli 13:18

Wababeketelela ehlane iminyaka lengema-40.

Imisebenti yebaPhostoli 7:42

Kodvwa Nkulunkulu wabashiya basale bakhonta tinkhanyeti tasezulwini, njengobe kubhaliwe encwadzini yebaphrofethi kutsi: “ ‘Bantfu baka-Israyeli! Kwakungimi yini lona lenamhlabela imihlatjelo yetilwane, iminyaka lengema-40 ehlane?

Dutheronomi 1:39

“Labo bantfwana benu labasebancane lenitsite batawutfunjwa, bona labo labasengakakwati kwehlukanisa lokuhle kulokubi, batawungena kulelo live. Ngitabapha lona, nabo batalidla.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Joshuwa 13:4

kusukela eningizimu, kulo lonkhe live lemaKhenani, nekusukela eMeyara yemaSidoni kuze kube nguse-Afeki, emnyeleni welive lema-Amori,

Joshuwa 24:8

Nganiletsa eveni lema-Amori labehlala emphumalanga neJordane. Alwa nani, kodvwa ngawanikela esandleni senu. Ngawabhubhisa aphela embikwenu, navele nalidla lelo live lawo.