Amose 1:7 - Siswati 1996 Bible

⁷ Ngako-ke ngitakwehlisela umlilo etikwetibondza taseGaza, lotawucotfula tonkhe tigodlo tayo.

Amose 1:7 Referencias Cruzadas

2 Emakhosi 18:8

Wahlasela, wehlula emaFilisti kusukela etimbonisweni kuye emadolobheni latinqaba, waze wefika eGaza nasesifundzeni sayo.

2 Tikhronike 26:6

Wahamba wayakulwa nemaFilisti, wabhidlita tibondza taseGathi, netaseJabne kanye netase-Ashdodi. Wase wakha kabusha emadolobha labesedvutane ne-Ashdodi nakuletinye tindzawo emkhatsini wemaFilisti.

Jeremiya 47:1

Leli livi laSimakadze lelefika kuJeremiya umphrofethi, macondzana nemaFilisti, Faro asengakayihlaseli iGaza, litsi:

Jeremiya 47:5

IGaza iyawuhhula inhloko yayo ilile, i-Ashkeloni yona iyawuvalwa umlomo, ibhubhe. Awu, nsali yasetsafeni, niyawutikhipha umkhuphulwane kuze kube ngunini?

Hezekeli 30:8

Ngulapho-ke bayawukwati khona kutsi mine nginguSimakadze, nangilumeka umlilo eGibhithe nabo bonkhe labasitana nayo bayawupitjitwa.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.

Amose 1:4

Ngako ngitakwehlisela umlilo endlini yakaHazayeli, lotawushisa ucotfule leto tigodlo takaBheni Hadadi.

Amose 1:6

Naku lokushiwo nguSimakadze, utsi: “Bantfu baseGaza bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu.

Amose 1:8

Ngitayibhubhisa inkhosi yase-Ashdodi nalowo lophetse indvuku yebukhosi e-Ashkeloni. Ngitayivukela i-Ekroni, ngiwabhubhise onkhe emaFilisti kungasali namunye,” kusho iNkhosi Simakadze.

Zefaniya 2:4

IGaza iyawushiywa yodvwa, ne-Ashkeloni iyawusala itindzala. Emini i-Ashdodi iyawucitfwa, kutsi i-Ekroni isishulwe.

KubaseRoma 12:19

Bazalwane bami, ningatiphindziseleli, kodvwa yekelelani konkhe elulakeni lwaNkulunkulu; ngobe kubhaliwe kutsi: “Kuphindzisela ngekwami, mine ngiyawubuyisela, kusho iNkhosi.”

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”