2 yaPhetro 3:15 - Siswati 1996 Bible

¹⁵ Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.

2 yaPhetro 3:15 Referencias Cruzadas

1 Emakhosi 3:12

ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.

1 Emakhosi 3:28

Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.

1 Emakhosi 4:29

Nkulunkulu wapha Solomoni kuhlakanipha, nekubona tintfo ngendlela lejulile, wamupha nekucondzisisa lokubanti nalokungenamkhawulo njengesihlabatsi saselusentseni lwelwandle.

Ezra 7:25

“Wena, Ezra, ngenhlakanipho yakho lonikwe yona nguNkulunkulu wakho, beka bomantji nebehluleli kutsi batewuhola behlulele bonkhe labo bantfu labangasenshonalanga nemfula iYufrathe, labayatiko imitsetfo yaNkulunkulu wakho. Nine kufanele nibafundzise bonkhe labo labangayati.

Eksodusi 31:3

ngamgcwalisa ngaMoya waNkulunkulu. Ngimuphe likhono nekuhlakanipha, nelwati emisebentini yonkhe yebungcweti:

Eksodusi 31:6

Ngetulu kwaloko ngikhetse na-Oholiyabi, umsa wa-Ahisamaki, wesive sakaDani, kutsi asebente naye. Bonkhe laba labanelikhono nabo ngibengetele, khona batewukwati kwenta loku lengikuyale ngako:

Eksodusi 35:31

Nkulunkulu umgcwalise ngaMoya wakhe; wamupha likhono, nekuhlakanipha, nelwati emisebentini yonkhe yebungcweti,

Eksodusi 35:35

Ubaphe likhono lekutsi bakwati kwenta yonkhe inhlobo yemisebenti leyentiwa ngetandla, tingcweti, nebahlobisi, nebeluki betindvwangu letelukwe ngensontfo leluhlata njengesibhakabhaka, nalebukhwebeletane, nalebovu ngalokutopele, kanye nangemitiya yelineni lecolisakele. Bayakwati kwenta yonkhe inhlobo yemsebenti, kantsi futsi bonkhe sebanebungcweti.”

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Imisebenti yebaPhostoli 15:25

Ngako-ke sibese siyahlangana savumelana sonkhe ngalivi linye lekutsi sitawutfumela kini lamadvodza lesiwakhetsile kanye nebahlobo betfu labatsandzekako boBhanabasi naPawula,

Imisebenti yebaPhostoli 7:10

wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.

Imisebenti yebaPhostoli 9:17

Ngako-ke Ananiyase wahamba, wangena endlini wabeka tandla etikwaSawula. Watsi: “Mzalwane, Sawula, iNkhosi Jesu lebonakele kuwe endleleni ingitfumile kutsi ubone futsi, ugcwaliswe ngaMoya Longcwele.”

KubaseRoma 2:4

Kumbe uyayedzelela yini ingcebo yemusa wakhe, nekubeketela kwakhe, nekumela bulukhuni kwakhe? Awati yini kutsi umusa waNkulunkulu nguwo lokuholela ekuphendvukeni?

1 kubaseKorinthe 12:8

Lomunye uphiwa ngaMoya livi lekuhlakanipha, kepha lomunye livi lekwati, ngaye yena lowo Moya,

1 kubaseKorinthe 2:13

Lesikhuluma ngako futsi akusiwo emavi lafundziswa bantfu ngekuhlakanipha, kodvwa afundziswa nguMoya, ngobe sichaza emaciniso aMoya ngaMoya kubantfu labanaMoya.

1 kubaseKorinthe 3:10

Ngemusa waNkulunkulu lengiwuphiwe, nanjengachwephesha wetekwakha, ngabeka sisekelo sendlu, lomunye wakha etikwaso. Kodvwa akube ngulowo nalowo acaphelisise kahle kutsi wakhela njani etikwaso.

Kubase-Efesu 3:3

Nkulunkulu wangatisa imfihlakalo ngekungembulela, njengobe sengike ngatsintsa nje ekubhaleni kwami.

1 kuThimothi 1:16

Kodvwa ngahawukelwa ngaso lesizatfu sekutsi kimi lengisembili, Jesu Khristu abonakalise konkhe kubeketela kwakhe, kube sibonelo kulabo labayawukholwa kuye, badzimate babe nekuphila lokuphakadze.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.

1 yaPhetro 3:20

Labo-ke ngulabo lekwatsi endvulo bala kulalela Nkulunkulu ngesikhatsi Nkulunkulu abalindzele ngekubeketela ngemalanga ekwakhiwa kwemkhumbi waNowa. Bantfu labambalwa, lababesiphohlongo, bangena kulomkhumbi basindza emantini.

2 yaPhetro 3:2

nikhumbule emavi lakhulunywa kwakucala baphrofethi labangcwele, nikhumbule nemyalo weNkhosi neMsindzisi lenafundziswa wona baphostoli benu.

2 yaPhetro 3:9

INkhosi ayibini kugcina setsembiso sayo, njengobe labanye bacabanga kutsi iyabina; kepha iyanibeketelela, ngobe ingatsandzi kutsi kubhubhe ngisho namunye umuntfu, kodvwa itsandza kutsi bonkhe bantfu baphendvuke etonweni tabo.