2 yaPhetro 3:14 - Siswati 1996 Bible

¹⁴ Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.

2 yaPhetro 3:14 Referencias Cruzadas

Matewu 24:26

“Ngako-ke nabatsi: ‘Bukani usehlane,’ ningayi khona; nome batsi: ‘Bukani usendlini,’ ningakholwa!

Matewu 25:7

Tavuka-ke tonkhe leto tintfombi letatilishumi talungisa tibane tato.

Lukha 12:43

Sibusisiwe leso sisebenti lesiyawukhandvwa yinkhosi yaso senta tonkhe timfanelo talelo khaya nayibuyako.

Lukha 2:29

“Nkhosi, sengimbonile lona wawungetsembise kutsi ngitambona, ngako sengingafa ngekuthula,

1 kubaseKorinthe 1:8

Yena uyawunicinisa nani, kudzimate kube ngusekupheleni, nitfolakale nite licala mzukwana welilanga leNkhosi yetfu Jesu Khristu.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

KubaseFiliphi 3:20

Kepha tsine likitsi lisezulwini, lapho silindzele khona kutsi kuvele uMsindzisi wetfu, iNkhosi Jesu Khristu.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

1 kuThimothi 6:14

kutsi ugcine lomyalo, ungenabala, ungasoleki, kuze kube sikhatsi sekubonakala kweNkhosi yetfu Jesu Khristu.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

2 yaPhetro 3:1

Bazalwane bami, lena seyincwadzi yami yesibili lenginibhalele yona. Kuto totimbili ngetamile kuvusa tingcondvo tenu ngekunikhumbuta, kutsi nicabange loko lokufanele,

2 yaPhetro 3:16

Ngiko loko lakushoko kuto tonkhe tincwadzi takhe, nakabhala ngaletintfo. Kukhona tintfo letilukhuni kutivisisa kahle kuto leto tincwadzi. Labo labangati nalabangakacini bayatihlanekela, njengobe benta nakuletinye tincwadzi temiBhalo. Ngekwenta loko batiletsela kubhujiswa.

1 yaJohane 3:3

Wonkhe umuntfu lonalo lelo tsemba kuKhristu uyatihlambulula, njengobe naKhristu ahlambulukile.