2 yaPhetro 3:11 - Siswati 1996 Bible

¹¹ Njengobe-ke tonkhe letintfo titawubhidlitwa kanjalo, nine-ke kufanele nibe bantfu labanjani? Kufanele nitinikele ngalokuphelele kuNkulunkulu, niphile ngekumesaba yena,

2 yaPhetro 3:11 Referencias Cruzadas

Tihlabelelo 37:14

Lababi bahosha inkemba, bantsale imicibisholo ebutjokini, bafuna kucedza labamphofu nalabeswele babulale labo labahamba ngebucotfo.

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Tihlabelelo 75:3

Nome umhlaba sewutanyatanyiswa, kanye nabo bonkhe labahlala kuwo, mine ngisimisa tinsika tawo. Cabanga.

Isaya 14:31

“Awu, sango, lila! Awu, dolobha, hhewula! Ttutfumela, wena Filistiya! Ngobe emabutfo emphi lenemandla ayeta, aphuma ngasenyakatfo; ate ngisho nome linye lisotja leliligwala.

Isaya 24:19

Umhlaba wephukile, umhlaba uchekeke ekhatsi, umhlaba unyakatiswa kakhulu.

Isaya 34:4

Tonkhe tinkhanyeti tasemazulwini tiyawuncibilika, nesibhakabhaka sigocotwe njengencwadzi legocotwako; tonkhe letinkhanyeti tasesibhakabhakeni tiyakuwa njengemacembe lomile lahhohloka esihlahleni semvini, nanjengemakhiwa lasabunile nakahhohloka esihlahleni semkhiwa.

Matewu 8:27

Bantfu bamangala, badzimate batsi: “Kantsi muntfu muni lona, ngobe imimoya nelwandle kuyamlalela?”

KubaseRoma 13:11

Yentani loko nati kutsi sikhatsi sesifikile, ngiso lesikhatsi sekutsi nivuke ebutfongweni. Ngobe nyalo insindziso yetfu seyisedvute kunangalesa sikhatsi lesakholwa ngaso.

KubaseRoma 13:12

Busuku sebuyaphela, imini seyisondzele. Ngako-ke asilahle yonkhe imisebenti yebumnyama, sihlome tikhali tekukhanya.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

KubaseFiliphi 3:20

Kepha tsine likitsi lisezulwini, lapho silindzele khona kutsi kuvele uMsindzisi wetfu, iNkhosi Jesu Khristu.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

1 kuThimothi 6:3

Nangabe kukhona lofundzisa lokunye lokungavumelani nemavi laphilile eNkhosi yetfu Jesu Khristu, nemfundziso lenekumesaba Nkulunkulu,

1 kuThimothi 6:6

Vele kuyinzuzo lenkhulu kwesaba Nkulunkulu kanye nekweneliseka.

KumaHebheru 13:5

Balekelani kutsandza imali, neneliswe nguloko leninako, ngobe Nkulunkulu watsi: “Ngingeke ngikuyekele, ngingeke ngikushiye.”

YaJakobe 1:24

Umuntfu lonjalo uyatibuka, esuke ahambe akhohlwe kutsi abenjani.

YaJakobe 3:13

Ngubani lohlakaniphile nalocondzisisako emkhatsini wenu? Akakhombise imphilo yakhe lelungile ngemisebenti yakhe ngekutfobeka lokunenhlakanipho.

1 yaPhetro 1:15

Ngako-ke, njengobe lowo lonibitile angcwele, nani-ke banini ngcwele kuko konkhe kuhamba kwenu.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

2 yaPhetro 1:3

Ngemandla akhe Nkulunkulu usiphe konkhe lesikudzingako kuze siphile, simesabe njengobe simati yena lowasibitela ekuhlanganyeleni naye emandleni nasebukhosini bakhe.

2 yaPhetro 1:6

nasekwatini nengete kutitsiba, nasekutitsibeni nengete kukhutsatela, nasekukhutsateleni nengete kumesaba Nkulunkulu,

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

2 yaPhetro 3:12

nilindzele kufika kwelilanga laNkulunkulu, nisebentele kutsi lisheshe lifike. Lelo langa liyawuncibikilisa emazulu ngemlilo, netinkhanyeti tincibilikiswe kushisa.