2 yaPhetro 2:9 - Siswati 1996 Bible

⁹ INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

2 yaPhetro 2:9 Referencias Cruzadas

Jobe 21:30

yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?

Jobe 5:19

Nome ungehlelwa tehlakalo letisitfupha, uyakukusindzisa kuto tonkhe; nome nguletisikhombisa kute lokuyakukulimata.

Tihlabelelo 12:1

Awu, Simakadze, sisindzise! Sekute bantfu labacotfo, ngobe labetsembekile sebanyamalele.

Tihlabelelo 32:6

Ngako-ke wonkhe longcwele uyawuthandaza kuwe ngesikhatsi usenekutfolakala. Ngempela ngesikhatsi emagagasi etinhlupheko adlondlobala, angeke amkhukhule.

Tihlabelelo 37:33

Simakadze angeke amyekelele esandleni salomubi, futsi lowo lolungile angeke alahlwe ngelicala, nakehlulelwa.

Tihlabelelo 4:3

Kodvwa kufanele nati kutsi Simakadze utehlukanisele lolungile. Simakadze uyangiva nangikhala kuye.

Taga 12:13

Umuntfu ubanjwa tinkhulumo takhe letimbi; kodvwa lolungile uyasindza enhluphekweni.

Taga 16:4

Konkhe Simakadze lakwentile kunesiphetfo sako, ngisho nalomubi umentele lilanga lakhe lekubhujiswa.

Matewu 10:15

Ngicinisile, ngitsi kini: Kuyawuba ncono eveni laseSodoma nelaseGomora ngelilanga lekwehlulela kunakulowo muti.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

2 kuThimothi 3:12

Yebo, bonkhe labafisa kuphila ngekukholwa nguKhristu Jesu bayawutingelwa bahlushwe,

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

2 yaPhetro 3:7

Kepha ngalo lelivi emazulu nemhlaba lokukhona nyalo kugcinelwe umlilo ngelilanga lekwehlulelwa, lapho kuyawubhujiswa khona labangamesabi Nkulunkulu.

YaJuda 1:6

Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

1 Samuweli 29:10

Manje-ke nibovuka ekuseni kanye netinceku tenkhosi yakho, lenite kanye nato, nihambe masinyane nje, nakudzabuka kusa.”