2 yaPhetro 2:11 - Siswati 1996 Bible

¹¹ kantsi ngisho netingilosi, letinkhulu kakhulu kunabo ngebuchawe nangemandla, atibahlambalati labo bantfu ngekubamangalela embikweNkhosi.

2 yaPhetro 2:11 Referencias Cruzadas

Tihlabelelo 103:20

Dvumisani Simakadze, nine tingilosi takhe, nani machawe lanemandla, nine labenta livi lakhe, nilalele kukhuluma kwelivi lakhe.

Tihlabelelo 104:4

Nguwe lowenta titfunywa takho tibe ngimimoya, wente tinceku takho tibe ngimibane.

Danyela 6:22

Nkulunkulu wami utfumele ingilosi yakhe, lefike yavala imilomo yemabhubesi. Akangilimati, ngobe ngitfolakele ngite licala emehlweni akhe, kantsi nakuwe, nkhosi, kute lengikonile.”

Makho 7:22

nekuphinga, nekukhanuka, nekukhohlakala, nekuyengana, nemanyala, nemona, nekunyundza, nekutigcabha, nebulima.

2 kubaseThesalonika 1:7

bese uletsa kuphumula kini nine lenihluphekako, kanye nakitsi ngesikhatsi iNkhosi Jesu yembulwa ivela ezulwini, ikanye netingilosi tayo letinemandla.

YaJuda 1:9

Ngisho naMikhayeli, ingilosi lenkhulu, mhlazane abangisana naSathane ngesidvumbu saMosi, akazange asayikhiphe inhlamba, kuze amehlule. Lakusho nje kwaba kutsi: “INkhosi ayikukhalimele.”