2 yaPhetro 1:2 - Siswati 1996 Bible

² Shangatsi umusa nekuthula kungandziswa kini ngekwati Nkulunkulu naJesu iNkhosi yetfu.

2 yaPhetro 1:2 Referencias Cruzadas

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Danyela 4:1

Inkhosi Nebukhadnezari yatfumela nankhu umlayeto kubantfu, netive, nebantfu bato tonkhe tilwimi emhlabeni wonkhe, jikelele, watsi: “Philani nonkhe bekunene!

Danyela 6:25

Inkhosi Dariyusi yabhalela bonkhe bantfu, netive, nebantfu bato tonkhe tilwimi emhlabeni wonkhe jikelele, yatsi: “Nginifisela inchubekela embili!

Lukha 10:22

“Konkhe nginikwe nguBabe. Kute lowatiko kutsi iNdvodzana ingubani ngaphandle kweYise, kantsi kute lowatiko kutsi uYise ngubani ngaphandle kweNdvodzana nalabo iNdvodzana lefuna kumbonakalisa kubo.”

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

KubaseRoma 1:7

Lencwadzi iya kubo bonkhe labatsandzekako baNkulunkulu labaseRoma, lababitelwa kutsi babe ngulabangcwele. Akube kini umusa nekuthula lokuvela kuBabe wetfu Nkulunkulu naseNkhosini Jesu Khristu.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

KubaseFiliphi 3:8

Yebo, konkhe ngikushaya lite ngebukhulu bekumati Khristu Jesu iNkhosi yami, lengilahlekelwe ngiko konkhe ngenca yakhe. Ngikushaya tibi, kuze ngizuze Khristu,

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!

2 yaPhetro 1:3

Ngemandla akhe Nkulunkulu usiphe konkhe lesikudzingako kuze siphile, simesabe njengobe simati yena lowasibitela ekuhlanganyeleni naye emandleni nasebukhosini bakhe.

2 yaPhetro 1:5

Ngaleso sizatfu-ke khutsalelani kwengeta bucotfo ekukholweni, nakubo bucotfo nengete kwati,

2 yaPhetro 1:8

Nangabe letintfo tikini, tivama, titawunenta nikhutsale, nitsele titselo ekuyatini ngalokugcwele iNkhosi yetfu Jesu Khristu.

2 yaPhetro 2:20

Ngobe nangabe kungcoliswa ngulomhlaba bakubalekele ngekwati iNkhosi lenguMsindzisi wetfu Jesu Khristu, baphindze behlulwa ngiko, sigcino sabo sibi kakhulu kunesicalo sabo.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

YaJuda 1:2

Ngitsi: Akwandze kini umusa nekuthula kanye nelutsandvo.

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,