2 yaPhetro 1:11 - Siswati 1996 Bible

¹¹ kodvwa niyawunikwa lilungelo leliphelele lekungena embusweni waphakadze weNkhosi neMsindzisi wetfu Jesu Khristu.

2 yaPhetro 1:11 Referencias Cruzadas

Tihlabelelo 145:13

Umbuso wakho ungumbuso lome kuze kube phakadze, lombuso uyawuhlala ukhona, titukulwane ngetitukulwane. Simakadze wetsembekile kuto tonkhe tetsembiso takhe. Unemusa kuyo yonkhe imisebenti yakhe.

Tihlabelelo 36:8

Badla indvodla yekudla, badzimate besutse endlini yakho, ubanatsise emanti emfuleni wakho wentfokoto,

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Danyela 7:14

Wanikwa emandla ekubusa, nenkhatimulo, nebukhosi. Bonkhe bantfu, netive, nebantfu bato tonkhe tilwimi bakhotsama kuye bamkhonta. Kubusa kwakhe kukubusa kwaphakadze naphakadze lokungasoze kwaphela, nembuso wakhe ngulowo longasoze wacitfwa.”

Danyela 7:27

Lapho-ke kubusa, nemandla, nebukhulu bemibuso yonkhe lengaphansi kwelizulu, kuyawunikelwa etandleni talabangcwele, sive saLongetulu Kwako Konkhe. Umbuso wakhe kuyawuba ngumbuso waphakadze naphakadze, bonkhe babusi bayawukhotsama kuye bamkhonte, bamlalele.’

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Johane 10:10

Lisela litela kweba, nekubulala, nekubhubhisa. Mine ngitele kwekutsi bantfu babe nekuphila; babe nako kuphuphume.

KubaseRoma 2:4

Kumbe uyayedzelela yini ingcebo yemusa wakhe, nekubeketela kwakhe, nekumela bulukhuni kwakhe? Awati yini kutsi umusa waNkulunkulu nguwo lokuholela ekuphendvukeni?

1 kubaseKorinthe 15:24

Emvakwaloko kuyawufika kuphela, mhlazana anikela umbuso kuNkulunkulu uYise, nasacitse yonkhe imibuso, nebukhosi bonkhe, nemandla onkhe.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

Kubase-Efesu 3:20

Kuye lonemandla ekwenta lokukhulu kakhulu kunako konkhe lesikucelako nome lesikucabangako, ngekwemandla lasebenta kitsi,

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

2 kuThimothi 4:18

INkhosi iyawungikhulula kuyo yonkhe imisebenti lemibi, ingisindzise, ngize ngifike embusweni wayo wasezulwini. Akube kuyo bukhosi phakadze naphakadze. Amen.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

KumaHebheru 6:17

Kulabo labebafanele kwemukela loko kwakutsenjisiwe, Nkulunkulu watimisela kukukhanyisa kahle kutsi yena ngeke ayigucule injongo yakhe, ngiko nje acinisa tetsembiso takhe ngekufunga.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

2 yaPhetro 1:5

Ngaleso sizatfu-ke khutsalelani kwengeta bucotfo ekukholweni, nakubo bucotfo nengete kwati,

2 yaPhetro 2:20

Ngobe nangabe kungcoliswa ngulomhlaba bakubalekele ngekwati iNkhosi lenguMsindzisi wetfu Jesu Khristu, baphindze behlulwa ngiko, sigcino sabo sibi kakhulu kunesicalo sabo.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”