2 yaJohane 1:2 - Siswati 1996 Bible

² ngenca yeliciniso lelihlala kitsi naleliyawuba natsi phakadze naphakadze.

2 yaJohane 1:2 Referencias Cruzadas

Johane 14:16

Ngiyawucela kuBabe kutsi aniphe lomunye uMdvudvuti kutsi abe kanye nani kuze kube phakadze,

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

1 kubaseKorinthe 9:23

Ngikwenta konkhe ngesimanga seliVangeli, kuze nami ngibe nesabelo kulo.

2 kubaseKorinthe 4:5

Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

2 kuThimothi 1:5

Ngikhunjutwa kukholwa kwakho lokute kutentisa. Ngiko kona loko kukholwa lokwacala kutfolakala kugogo wakho Lowisi nakunyoko Yunisi, ngineliciniso kutsi nakuwe kukhona.

2 yaPhetro 1:12

Ngako-ke sonkhe sikhatsi ngiyawube ngiloku nginikhumbuta ngaleto tintfo, nome senitati nje, nihleti nicinile kuleliciniso lese nilemukele.

1 yaJohane 1:8

Nasitsi site sono, siyatiyenga, neliciniso alikho kitsi.

1 yaJohane 2:14

Ngibhalele nine, bantfwana, ngobe niyamati Babe. Ngibhalele nani, bobabe, ngobe niyamati Yena, loseloku akhona kusukela ekucaleni. Ngibhalele nine, majaha, ngobe ninemandla, nelivi laNkulunkulu lihlala kini, futsi senimehlulile Lomubi.

1 yaJohane 2:17

Live liyendlula netinkhanuko talo, kodvwa lowo lowenta intsandvo yaNkulunkulu, uyawuphila kuze kube phakadze.