2 Tikhronike 9:9 - Siswati 1996 Bible

⁹ Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kufike tinandzisi letase taba njengaleta letake tetfulwa yindlovukazi yaseSheba enkhosini Solomoni.

2 Tikhronike 9:9 Referencias Cruzadas

Genesisi 43:11

Israyeli, uyise, wakhuluma kubo watsi: “Nangabe kufanele kube njalo-ke, hambani netipho letititselo telikhetselo talelive, nitifake emasakeni enu, nifike nitiphe lendvodza leniyishoko: nitsatse litsantana lebhalisamu, neleluju lwetinyosi, nelemakha, nelemure, nelemaphisitakhiwo, nelema-alimondi.

1 Emakhosi 10:10

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kuphindze kufike tinandzisi letase taba tinyenti kwendlula leto letake tetfulwa yindlovukazi yaseSheba enkhosini Solomoni.

1 Emakhosi 9:14

Hiramu abesatfumele kuSolomoni igolide leyayingemakhilogremu labengaba ti-4 000.

2 Tikhronike 9:1

Indlovukazi yaseSheba yatsi kube ive ngeludvumo lwaSolomoni, yase iyeta eJerusalema yatakumvivinya ngekumbuta imibuto lelukhuni. Yefika ihamba nalolukhulu ludvwendvwe luchuba emakamela labetfwele tinandzisi nemidlidlimba yegolide kanye neyematje laligugu. Yefika kaSolomoni yakhulumisana naye ngako konkhe lokwakusengcondvweni yayo.

2 Tikhronike 9:10

[Emadvodza akaHiramu nalamadvodza akaSolomoni atfutsetela igolide ayisusa e-Ofiri, aletsa netingodvo te-almugi kanye nematje laligugu.

2 Tikhronike 9:24

Umnyaka ngemnyaka, wonkhe labeta kuye abefika nesipho: tintfo letentiwe ngesiliva nangegolide, nemijiva, netikhali, netinandzisi, nemahhashi kanye neminyuzi.

2 Tikhronike 9:8

Akadvunyiswe Simakadze Nkulunkulu wakho lokujabulele wadzimate wakubeka esihlalweni sakhe sebukhosi kutsi ube yinkhosi ubusele Simakadze Nkulunkulu wakho. Ngenca yelutsandvo lwaNkulunkulu wakho ngema-Israyeli nangenshisekelo yakhe yekuwagcina emile kokuphela, ukwente waba yinkhosi yawo, kuze utewubusa ngekungakhetsi nangekulunga.”

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Tihlabelelo 72:15

Shangatsi ingakhula idzimate ikhokhobe, iphiwe negolide yaseSheba. Shangatsi ingathandazelwa njalonjalo, icelelwe tibusiso taNkulunkulu ngato tonkhe tikhatsi.

Eksodusi 30:34

Simakadze wakhuluma kuMosi atsi: “Tsatsa sikalo lesilinganako kuto tonkhe letinongo letimnandzi: sitakathi, ne-onkha, negalibhanume, nemakha lacengekile.