2 Tikhronike 9:7 - Siswati 1996 Bible

⁷ Maye, bayajabula labantfu bakakho! Maye, tiyajabula letindvuna takakho letihlala njalo time lapha embikwakho tilalele lokuhlakanipha kwakho!

2 Tikhronike 9:7 Referencias Cruzadas

1 Emakhosi 10:8

Maye, bayajabula labantfu bakakho! Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho.

2 Tikhronike 9:6

Kodvwa angizange ngikukholwe loku bebangitjela kona, ngidzimate ngefika ngatibonela ngewami emehlo. Ngempela, loku lengitjelwe kona akusiyo ngisho nencenye yalobukhulu bakho nekuhlakanipha kwakho; loku lengikubonako kukhulu kakhulu kunaloku lengakuva ngematekelo.

2 Tikhronike 9:8

Akadvunyiswe Simakadze Nkulunkulu wakho lokujabulele wadzimate wakubeka esihlalweni sakhe sebukhosi kutsi ube yinkhosi ubusele Simakadze Nkulunkulu wakho. Ngenca yelutsandvo lwaNkulunkulu wakho ngema-Israyeli nangenshisekelo yakhe yekuwagcina emile kokuphela, ukwente waba yinkhosi yawo, kuze utewubusa ngekungakhetsi nangekulunga.”

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Taga 10:21

Emavi emuntfu lolungile ondla bantfu labanyenti; kodvwa tilima tifa ngenca yekweswela lwati.

Taga 13:20

Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.

Taga 3:14

Ngobe kuhlakanipha kwendlula isiliva ngekucebisa umuntfu, nenzuzo yako yinkhulu kuneyegolide.

Taga 3:3

Ungehlukani nenhlonipho nekwetsembeka; kukhungele entsanyeni yakho, ukubhale etibhelekeceni tenhlitiyo yakho.

Taga 8:34

Ubusisiwe umuntfu longilalelako, longilindzela onkhe malanga emasangweni ami, logadza etimphundvwini teminyango yami.

Lukha 11:28

Kodvwa Jesu wamphendvula watsi: “Yebo, kunjalo, kodvwa lokukhulu kutsi: Babusisiwe labo labeva livi laNkulunkulu, bese bayalenta.”

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.