2 Tikhronike 9:10 - Siswati 1996 Bible

¹⁰ [Emadvodza akaHiramu nalamadvodza akaSolomoni atfutsetela igolide ayisusa e-Ofiri, aletsa netingodvo te-almugi kanye nematje laligugu.

2 Tikhronike 9:10 Referencias Cruzadas

1 Emakhosi 10:11

[Imikhumbi yaHiramu leyayetfwala igolide iyitsatsa e-Ofiri, lapho yayiphindze itsatse nemitfwalo lemikhulu yetingodvo te-almugi neyematje laligugu.

1 Emakhosi 10:22

Inkhosi yayinelubhuzane lwemikhumbi yekuhweba elwandle, ikanye nalena yaHiramu. Kanye ngeminyaka lemitsatfu yayibuya yetfwele igolide, nesiliva, nematinyo endlovu, netinkawu kanye netimfene.

2 Tikhronike 2:8

“Ngitfumelele kanye nemisedari, netipheshula, netingodvo te-almugi taseLebanoni, ngobe ngiyati kutsi lamadvodza akakho aceceshekile ekugawuleni tingodvo lapho. Emadvodza akami atawubambisana nalawo akakho,

2 Tikhronike 8:18

Hiramu wamtfumelela imikhumbi leyayiholwa tindvuna takhe; lawo bekungemadvodza labenelwati lolubanti ngetaselwandle. Labo-ke bakanye nalawa akaSolomoni emadvodza, bantjweza baya e-Ofiri, babuya negolide lengetulu kwemakhilogremu lati-15 000, bakwetfula enkhosini Solomoni.

2 Tikhronike 9:11

Inkhosi yasebentisa letingodvo te-almugi ekwakheni titebhisi telithempeli laSimakadze kanye netesigodlo, nasekwenteni emahabhu, nemalire ebahlabeli. Kute intfo lenjalo leyayike yabonwa kulo lonkhe lakaJuda.]

2 Tikhronike 9:9

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kufike tinandzisi letase taba njengaleta letake tetfulwa yindlovukazi yaseSheba enkhosini Solomoni.

Taga 31:14

Njengemikhumbi yebahwebi, kudla kwemndeni wakhe ukulandza khashane.