2 Tikhronike 8:12 - Siswati 1996 Bible

¹² Lapha kulelilati laSimakadze labelakhile, embikwalomhubhe, Solomoni wanikela ngeminikelo yekushiswa kuSimakadze,

2 Tikhronike 8:12 Referencias Cruzadas

1 Tikhronike 28:17

nesisindvo segolide lecengekile yekwakha timfologo, netitja tekunyenyeta kanye netindzebe, sisindvo segolide saleyo naleyo ndishi yegolide, nesisindvo sesiliva saleyo naleyo ndishi yesiliva,

2 Tikhronike 1:6

Solomoni wakhuphuka waya elatini lelitfusi embikwaSimakadze lelalingasethendeni lekuhlangana, wafike wanikela ngenkhulungwane yeminikelo yekushiswa etikwalo.

2 Tikhronike 15:8

Watsi kube Asa aweve lamavi kanye nesiphrofetho sa-Azariya, umsa wa-Odedi, umphrofethi, wema sibindzi. Watisusa tonkhe tithico letatisinengiso eveni lonkhe lakaJuda nelakaBhenjamini, nakuwo onkhe emadolobha labewatfumbile etintsabeni taka-Efrayimu. Walakha kabusha nelilati laSimakadze lelalakhiwe embikwemhubhe welithempeli laSimakadze.

2 Tikhronike 4:1

Solomoni inkhosi wase wakha lilati lelitfusi lelalingemamitha labengaba yimfica budze, nemamitha labengaba yimfica bubanti, nemamitha labengaba mane nesigamu kuphakama.

Hezekeli 45:17

Kuyawuba ngumsebenti wakhe kutsi aletse tilwane letitawushiswa samuku, neminikelo yalokutinhlavu, neminikelo yesinatfo saso sonkhe sive saka-Israyeli ngemikhosi yekwetfwasa kwenyanga, nangemaSabatha, nangaleminye imikhosi. Kufanele aletse iminikelo yesoni, neminikelo yalokutinhlavu, neminikelo yekushiswa, neminikelo yebudlelwane, kuze atewuhlawulela tono tesive saka-Israyeli.’ ”

Hezekeli 8:16

Wase ungiyisa esibuyeni lesisekhatsi nekhatsi endlini yaSimakadze, lapho ekungeneni kwelithempeli, emkhatsini wemhubhe nelilati, kwakunemadvodza langema-25. Imihlane yawo ibheke ngasethempelini laSimakadze, buso bawo bubheke ngasemphumalanga, babekhotsamela lilanga ngasemphumalanga.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Johane 10:23

Jesu abehamba eMhubheni waSolomoni ethempelini.