2 Tikhronike 8:11 - Siswati 1996 Bible

¹¹ Solomoni watsatsa indvodzakati yaFaro wayikhipha eDolobheni laDavide wayibeka esigodlweni labesakhele yona, ngobe watsi enhlitiyweni yakhe: “Umfati wami akukafaneli kutsi ahlale endlunkhulu yaDavide, inkhosi yema-Israyeli, ngobe letindzawo lapho bekungeniswa khona libhokisi lesivumelwane saSimakadze tingcwele.”

2 Tikhronike 8:11 Referencias Cruzadas

1 Emakhosi 3:1

Solomoni wakha buhlobo naFaro, inkhosi yaseGibhithe, washada nendvodzakati yakhe. Wayitsatsa wayibeka eDolobheni laDavide, waze wacedza kwakha sigodlo sakhe, nelithempeli laSimakadze kanye netibondza letatitungelete iJerusalema.

1 Emakhosi 7:8

Kwatsi sigodlo sakhe lapho abetawuhlala khona wasakha bucadlwana ngemuva, naso sasifanana nalenkhundla yesihlalo sebukhosi ngekuma kwaso. Solomoni waphindze wakha lesinye sigodlo lesifanana naleso, wasakhela inkhosikati yakhe, uLaFaro.

1 Emakhosi 9:24

Kwatsi kube kufike indvodzakati yaFaro iphuma eDolobheni laDavide, ite esigodlweni Solomoni labesayakhele sona, Solomoni wakha tibebesi.

2 Tikhronike 8:10

Lamanye abe tindvuna letinkhulu taSolomoni letatingema-250, letatingutona teluse lamadvodza akhe.

Eksodusi 29:43

Ngitabohlangana lapho nema-Israyeli; lendzawo bese ingcweliswa yinkhatimulo yami.

Eksodusi 3:5

Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Hezekeli 21:2

“Ndvodzana yemuntfu, bhekisa buso bakho ngaseJerusalema, ushumayele umelane netindzawo tekukhontela lekutsiwa tingcwele. Phrofetha umelane nelive laka-Israyeli,

2 yaPhetro 1:18

Tsine sasinaye entsabeni lengcwele, nakuvakala lelivi liphuma ezulwini, saliva ngetetfu tindlebe.