2 Tikhronike 7:6 - Siswati 1996 Bible

⁶ Baphristi bema ngetindzawo tabo, njengobe kwenta nemaLevi, banetingubhu temculo, letatentiwe yinkhosi Davide, itentele kudvumisa Simakadze, letatiphindze tisetjentiswe nakambonga atsi: “Umusa wakhe ume kuze kube phakadze.” Malungana nemaLevi baphristi nabo babeshaya emacilongo, lapho onkhe ema-Israyeli aseme ngetinyawo.

2 Tikhronike 7:6 Referencias Cruzadas

1 Tikhronike 13:8

Davide kanye nawo onkhe ema-Israyeli babejabula bagidza ngawo onkhe emandla abo embikwaNkulunkulu ngetingoma, nangemahabhu, nangemalire, nangemafahlawane, nangemasimbali kanye nangemacilongo.

1 Tikhronike 15:24

BoShebaniya, naJosafati, naNethaneli, na-Amasayi, naZakhariya, naBhenaya kanye na-Eliyezeri bona bekubaphristi lekwakufanele bashaye emacilongo embikwelibhokisi lesivumelwane saNkulunkulu. Bo-Obedi Edomu naJehiya nabo bakhetselwa kutsi babe bomahlalesangweni belibhokisi lesivumelwane.

1 Tikhronike 16:34

“Bongani Simakadze, ngobe ulungile, nemusa wakhe ume kuze kube phakadze.

2 Tikhronike 23:18

Jehoyada wase ubeka baphristi lababengemaLevi kutsi kube ngubona bengameli belithempeli laSimakadze, Davide labebeke kubo umsebenti ethempelini kutsi betfule umnikelo wekushiswa kuSimakadze njengobe kubhaliwe emtsetfweni waMosi, ngekujabula nangekuhlabela, njengobe kwakushito Davide.

2 Tikhronike 29:25

Wemisa emaLevi ethempelini laSimakadze aphetse emasimbali, nemahabhu, nemalire ngayo yona leyo ndlela leyayimiswe nguDavide naGadi, umboniswa wenkhosi, kanye naNathani, umphrofethi. Loko bekungumyalo lowetfulwa nguSimakadze ngebaphrofethi bakhe.

2 Tikhronike 29:27

Hezekiya wakhipha umyalo kutsi kwentiwe umnikelo wekushiswa etikwelilati. Kwatsi kusacala umnikelo, nekuhlabelela Simakadze kwacala kuhambisana nekushaywa kwemacilongo netingubhu taDavide, inkhosi yaka-Israyeli.

2 Tikhronike 5:12

Onkhe emaLevi labebahlabeli: bo-Asafa, naHemani, naJeduthuni, nemadvodzana abo, kanye netihlobo tabo, bema ngasemphumalanga kwelilati. Babegcoke tingubo telineni lecolisakele bashaya emasimbali, nemahabhu, nemalire. Babehamba nebaphristi labali-120 lababeshaya emacilongo.

2 Tikhronike 5:13

Labashayi bemacilongo nalabahlabeli bahlangana bahlabela kanyekanye, kwaze kwaba shangatsi liphimbo linye, banika Simakadze ludvumo netibongo. Baphakamisa emaphimbo abo babonga Simakadze bashaya emacilongo, nemasimbali naletinye nje tingubhu, bahlabela batsi: “Dvumisani Simakadze, ngobe ulungile, nelutsandvo lwakhe lume kuze kube phakadze.” Lithempeli laSimakadze lase ligcwaliswa lifu,

2 Tikhronike 7:3

Kwatsi kube onkhe ema-Israyeli abone lomlilo wehla nenkhatimulo yaSimakadze isetikwelithempeli, baguca phansi esiyilweni bakhotsama ngetinhloko tabo tibheke phansi, bakhonta Simakadze bambonga batsi: “Akabongwe Simakadze ngebuhle bakhe, ngobe umusa wakhe ume kuze kube phakadze.”

2 Tikhronike 7:5

Inkhosi Solomoni yanikela ngemhlatjelo wetinkhomo letatiti-22 000, netimvu letatiti-120 000 tihlangene netimbuti. Inkhosi yalinikela kanjalo-ke lithempeli laNkulunkulu, ikanye nesive.

Ezra 6:18

Babeka baphristi ngabolonina, babeka nemaLevi ngetigaba tawo, balungiselelwa kukhonta Nkulunkulu eJerusalema, macondzana naloko lokwakubhalwe encwadzini yemtsetfo waMosi.

Tihlabelelo 106:1

Haleluya, dvumisani Simakadze! Bongani Simakadze ngobe muhle, nemusa wakhe ume kuze kube phakadze.

Tihlabelelo 107:1

“Dvumisani Simakadze, ngobe yena muhle, nemusa wakhe ume kuze kube phakadze.”

Tihlabelelo 138:8

Simakadze uyawusifeza kimi setsembiso sakhe; umusa waSimakadze ume kuze kube phakadze. Cedzela lomsebenti wakho lowawusungula, ungawukhohlwa umsebenti wetandla takho.

Tihlabelelo 87:7

Bahlabeleli nebadlali ngalokufanako batsi: “Yonkhe imitfombo yami ikuwe.”

Isaya 52:6

Ngako-ke sive sami siyawulati Libito lami. Ngalelo langa bayawukwati kutsi ngimi lowakusho loko kungakenteki. Yebo, ngimi.”

Amose 6:5

Nanihlabela, nigubhutelisa emahabhu enu, nitakhele nine imintjingozi yemculo njengaDavide.

Joshuwa 6:4

Uboba nebaphristi labasikhombisa labaphetse emacilongo lasikhombisa lentiwe ngetimphondvo temvu; babohamba embikwalelibhokisi lesivumelwane. Ngelilanga lesikhombisa lelidolobha nibolitungeleta emahlandla lasikhombisa, baphristi bona bashaye lamacilongo.