2 Tikhronike 5:7 - Siswati 1996 Bible

⁷ Ngako-ke baphristi balingenisa libhokisi lesivumelwane saSimakadze balibeka endzaweni yalo lengekhatsi kakhulu ethempelini, indzawo lengcwelengcwele, bafike balibeka phansi kwemaphiko alamakherubhi.

2 Tikhronike 5:7 Referencias Cruzadas

1 Tikhronike 22:19

Manje-ke nikelani tinhlitiyo tenu nemiphefumulo yenu ekufuneni Simakadze Nkulunkulu wenu. Calani nyalo nakhe indzawo lengcwele yaSimakadze Nkulunkulu, lapho nitawuletsa khona libhokisi lesivumelwane saSimakadze nato tonkhe tintfo letingcwele letitaNkulunkulu, nitifake tonkhe kulelithempeli lenitabe senilakhile nalakhela Libito laSimakadze.”

2 Tikhronike 35:3

Watjela emaLevi, labenguwona alawula onkhe ema-Israyeli, futsi ehlukaniselwe Simakadze, watsi: “Bekani libhokisi lelingcwele lesivumelwane ethempelini lelakhiwa nguSolomoni, umsa waDavide, inkhosi yema-Israyeli. Akusafanele letfwalwe ngemahlombe enu. Manje-ke, khontani Simakadze Nkulunkulu wenu nesive sakhe, ema-Israyeli.

2 Tikhronike 4:20

netintsi tetibane tegolide lecengekile, netibane takhona letatitabovutsa njale nje embikwendzawo lengcwelengcwele, njengobe kwakumisiwe,

2 Tikhronike 5:4

Tatsi nase tiphelele tonkhe timphunga tema-Israyeli, emaLevi ase aphakamisa libhokisi lesivumelwane,

2 Tikhronike 5:6

Inkhosi Solomoni ikanye naso sonkhe sive sema-Israyeli lesasiyisingatsile babesembikwelibhokisi lesivumelwane benta umhlatjelo wetimvu letinyenti newetinkhomo letinyenti, kangangekutsi tatingeke tikhoneke kubalwa nekubhalwa phansi.

2 Tikhronike 5:8

Emakherubhi abelulele timphiko tawo etikwalendzawo yelibhokisi lesivumelwane alisitsa kanye netimboko talo tekuletfwala.

2 Tikhronike 6:11

Sengilibeke khona nelibhokisi lesivumelwane saSimakadze, lapho kunesivumelwane saSimakadze lasenta nesive sakhe ema-Israyeli.”

Tihlabelelo 132:8

Phakama, Simakadze, uye endzaweni yakho yekuphumula, wena nelibhokisi lesivumelwane sakho, lelingumfanekiso wemandla akho.

Hezekeli 41:4

Yabe seyikala lendzawo lengcwele yangekhatsi, yayingemamitha labengaba lishumi budze, nemamitha labengaba lishumi bubanti. Yakhuluma kimi yatsi: “Lena yindzawo lengcwelengcwele.”