2 Tikhronike 5:11 - Siswati 1996 Bible

¹¹ Baphristi-ke base bayaphuma endzaweni lengcwele. Bonkhe baphristi labebalapho babetingcwelisile ngalokufananako nome nje babeticheme letehlukene.

2 Tikhronike 5:11 Referencias Cruzadas

1 Tikhronike 15:14

Baphristi nemaLevi batihlambulula kutsi batekwenyusa libhokisi lesivumelwane saSimakadze, Nkulunkulu wema-Israyeli.

2 Tikhronike 29:15

Lamadvodza atsi kube ahlanganise ndzawonye bomnakabo atingcwelisa, ase ayangena ayawuhlambulula lithempeli laSimakadze, njengobe inkhosi yayiyalile, ngekulandzela livi laSimakadze.

2 Tikhronike 29:34

Noko baphristi babembalwa kakhulu kutsi bahlinze yonkhe leyo minikelo yekushiswa; ngako tihlobo tabo lekwakungemaLevi tabasita, kwaze kwaphela lowo msebenti, kwaze nalaba labanye baphristi nabo bangcweliswa, ngobe emaLevi abekucilikele kutingcwelisa wona matfupha kwendlula baphristi.

2 Tikhronike 29:5

watsi: “MaLevi, lalelani lapha kimi! Tingcweliseni nyalo, bese ningcwelisa nelithempeli laSimakadze, Nkulunkulu waboyihlomkhulu. Susani konkhe lokungcolile endzaweni lengcwele.

2 Tikhronike 30:15

Bahlaba lizinyane lemvu leliPhasika mhlazana tili-14 enyangeni yesibili. Baphristi nemaLevi baba nemahloni, base bayatingcwelisa bona cobo lwabo, baletsa iminikelo yekushiswa ethempelini laSimakadze.

2 Tikhronike 35:4

Tilungiseleni ngemindeni yenu njengekuma kweticheme tenu, nanjengobe kukhonjiwe kulencwadzi leyabhalwa nguDavide, inkhosi yema-Israyeli, nayindvodzana yakhe Solomoni.

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

2 Tikhronike 5:12

Onkhe emaLevi labebahlabeli: bo-Asafa, naHemani, naJeduthuni, nemadvodzana abo, kanye netihlobo tabo, bema ngasemphumalanga kwelilati. Babegcoke tingubo telineni lecolisakele bashaya emasimbali, nemahabhu, nemalire. Babehamba nebaphristi labali-120 lababeshaya emacilongo.

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;