2 Tikhronike 5:10 - Siswati 1996 Bible

¹⁰ Kute lokwakukhona ngekhatsi kwalelibhokisi lesivumelwane ngaphandle kwetibhelekeca letimbili letatifakwe nguMosi kulo ngesikhatsi baseseHorebe, lapho Simakadze enta khona sivumelwane nesive sema-Israyeli emvakwekuphuma kwawo eGibhithe.

2 Tikhronike 5:10 Referencias Cruzadas

2 Tikhronike 6:11

Sengilibeke khona nelibhokisi lesivumelwane saSimakadze, lapho kunesivumelwane saSimakadze lasenta nesive sakhe ema-Israyeli.”

Eksodusi 19:5

“ ‘Ngako-ke naniyawulilalela livi lami nigcine nesivumelwane sami, niyawuba ligugu lami emkhatsini wato tonkhe tive; ngobe wonkhe umhlaba wami.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Eksodusi 32:19

Watsi kube Mosi asondzele enkambu, abone lelitfole nebantfu bagidza, watfukutsela wabilelana. Letibhelekeca labetetfwele watilahla phansi, tephukela khona lapho phansi kwentsaba.

Eksodusi 34:1

Simakadze wakhuluma kuMosi, watsi: “Bata tibhelekeca letimbili tematje letifanana naleta takucala. Ngitawubhala kuto wona lawo mavi labesetibhelekeceni tekucala lowatiphihlita.

Eksodusi 40:20

Watsatsa tibhelekeca tematje letimbili watifaka ebhokisini lesivumelwane. Wafaka letimboko kulamajiva alo, wase ulimbonya ngesihlalo semusa.

Dutheronomi 29:1

Lawa-ke ngemavi esivumelwane Simakadze layala ngawo Mosi kutsi asente nesive saka-Israyeli eveni lakaMowabi, kwengetela kuleso sivumelwane lasenta nabo baseseNtsabeni iHorebe.

KumaHebheru 9:4

Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo.