2 Tikhronike 4:8 - Siswati 1996 Bible

⁸ Wase wakha ematafula lalishumi, wawafaka ethempelini, lasihlanu ngasenyakatfo nalasihlanu ngaseningizimu. Waphinidze wenta netitja tegolide tekunyenyeta letatilikhulu.

2 Tikhronike 4:8 Referencias Cruzadas

1 Emakhosi 7:48

Solomoni wabuye wenta tonkhe timphahla letatilapho ethempelini laSimakadze: lilati legolide; nelitafula legolide, lapho kwakuhlala khona sinkhwa sebukhona;

2 Tikhronike 4:19

Solomoni wabuye wenta tonkhe timphahla letatilapho ethempelini laNkulunkulu, lekwakulilati legolide, nematafula lapho kwakuhlala khona sinkhwa sebukhona,

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Hezekeli 44:16

Ngabo bodvwa lekufanele bangene endzaweni yami lengcwele; ngabo bodvwa lekufanele basondzele elatini lami kutawukhonta embikwami, bente inkonzi yami.

Zakhariya 14:20

Ngalelo langa umbhalo lotsi “kwehlukaniselwe simakadze” uyawucoshwa ngisho nasetinsimbini letincencetsa tisematomini emahhashi; nemabhodo ekupheka endlini yaSimakadze ayawufanana netindishi letingcwele letisembikwelilati.

Malakhi 1:12

“Kodvwa nine niyalihlambalata ngekukhuluma ngelitafula laSimakadze nitsi: ‘Lingcolile,’ nangekudla kwalo, nitsi: ‘Kuyenyanyeka!’

1 kubaseKorinthe 10:21

Ningeke ninatse endzebeni yeNkhosi niphindze niyewunatsa endzebeni yemadimoni. Ningeke nihlanganyele esidlweni seNkhosi niphindze nihlanganyele esidlweni semadimoni.