2 Tikhronike 32:1 - Siswati 1996 Bible

¹ Emvakwako konkhe loko Hezekiya asasebente konkhe ngekwetsembeka, Senaheribi, inkhosi yase-Asiriya, weta watawuhlasela lakaJuda. Wafike wemisa malungana nemadolobha latinqaba acabanga kutsi utatincobela wona abe ngewakhe.

2 Tikhronike 32:1 Referencias Cruzadas

2 Emakhosi 15:19

Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 18:11

Inkhosi yase-Asiriya yatfumba baka-Israyeli yabayisa e-Asiriya, labanye yafike yababeka eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 19:19

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

2 Tikhronike 32:2

Watsi kube abone Hezekiya kutsi Senaheribi sewufikile, nekutsi utimisele kuhlasela iJerusalema,

2 Tikhronike 35:20

Emvakwako konkhe loko, Josaya lithempeli asalihlele ngalokufanele, Nekho, inkhosi yaseGibhithe, wakhuphuka ayakulwa eKhakhemishi ngaseYufrathe, Josaya washuca wayakuhlangana naye emphini.

Isaya 10:32

Lamuhla nje ema-Asiriya ayawumisa eNobi; ayawujikitisa tibhakela tawo entsabeni yeNdvodzakati yaseSiyoni, egcumeni laseJerusalema.

Isaya 36:1

Ngemnyaka weli-14 wekubusa kwenkhosi Hezekiya, kwesuka Senaheribi, inkhosi yase-Asiriya, wahlasela onkhe emadolobha latinqaba akaJuda, wawatfumba.

Isaya 37:37

Ngako-ke Senaheribi, inkhosi yase-Asiriya, wadzilita inkambu yakhe, wahamba wabuyela eNineve, wayawuhlala khona.

Hoseya 11:5

“Bangeke yini babuyele eGibhithe, yona i-Asiriya ingeke yini ibuse etikwabo, njengobe naku bayala kuphendvuka?

Mikha 2:13

Nkulunkulu uyawubavulela indlela yabo, abuye abahole abakhiphe ekutfunjweni kwabo. Bayawufohla, baphume emasangweni elidolobha bahambe bakhululekile. INkhosi yabo, Simakadze cobo lwakhe, uyawubahambela embili abakhiphe.