2 Tikhronike 30:3 - Siswati 1996 Bible

³ Babehlulekile kuligubha ngetikhatsi talo ngembili kwaloko, ngobe babengakeneli baphristi lababetingcwelisile, kantsi nebantfu babesengakahlangani ndzawonye eJerusalema.

2 Tikhronike 30:3 Referencias Cruzadas

2 Tikhronike 29:17

Bacala kulingcwelisa ngelilanga lekucala enyangeni yekucala, kwatsi ngelilanga lesiphohlongo laleyo nyanga befikela emhubheni waSimakadze. Kwaphindze kwaba ngemalanga lasiphohlongo ngetulu seloku bangcwelisa lithempeli laSimakadze cobo lwalo, konkhe loko bakucedzela ngelilanga leli-16 kuleyo nyanga yekucala.

2 Tikhronike 29:34

Noko baphristi babembalwa kakhulu kutsi bahlinze yonkhe leyo minikelo yekushiswa; ngako tihlobo tabo lekwakungemaLevi tabasita, kwaze kwaphela lowo msebenti, kwaze nalaba labanye baphristi nabo bangcweliswa, ngobe emaLevi abekucilikele kutingcwelisa wona matfupha kwendlula baphristi.

2 Tikhronike 30:15

Bahlaba lizinyane lemvu leliPhasika mhlazana tili-14 enyangeni yesibili. Baphristi nemaLevi baba nemahloni, base bayatingcwelisa bona cobo lwabo, baletsa iminikelo yekushiswa ethempelini laSimakadze.

2 Tikhronike 30:24

Hezekiya, inkhosi yakaJuda, waletsa kulelibandla tinkunzi letiyinkhulungwane, netimvu netimbuti letiti-7 000, kwase kutsi letiphatsimandla tona taletsa tinkunzi letiyinkhulungwane netimvu netimbuti letiti-10 000. Baphristi labanyenti base batingcwelisa bona matfupha.

2 Tikhronike 30:4

Lelicebo labonakala lilihle enkhosini nakulo lonkhe libandla.

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

Eksodusi 12:18

Kusukela kusihlwa ngelilanga leli-14 lenyanga yekucala kuze kube kusihlwa ngelilanga lema-21 ningasidli sinkhwa lesinembiliso.

Eksodusi 12:6

Niyawuligcina kuze kube lilanga leli-14 kuyo lenyanga kusihlwa, mhlazana sonkhe sive sema-Israyeli sitawahlaba lamazinyane.