2 Tikhronike 3:16 - Siswati 1996 Bible

¹⁶ Wephotsela tinketane, wase utitsandzela kuletinsika lapha etikwato. Wakha nemahananandza aze aba likhulu, wawatfungela kuletinketane.

2 Tikhronike 3:16 Referencias Cruzadas

1 Emakhosi 6:21

Lingekhatsi lelithempeli Solomoni walembesa ngegolide lecengekile, wavundlisa tinketane tegolide emnyango wendzawo lengcwelengcwele, kantsi nayo futsi yayembeswe ngegolide.

1 Emakhosi 7:20

Kuto totimbili letingcongwane taletinsika, ngetulu kwencenye leyayisasitja, eceleni kwaletiviliya bekunemahananadza langema-200 latinhlu letitungeletile.

2 Tikhronike 3:15

Lapha embikwelithempeli wenta tinsika letimbili, setitotimbili tatingemamitha labengaba li-15 nesigamu budze, iyinye yayinengcongwane leyayingemamitha labengaba mabili nesigamu lapha enhloko.

2 Tikhronike 3:17

Letinsika wase utimbela emnyango walelithempeli, lenye ngaseningizimu, lenye ngasenyakatfo. Lena lengaseningizimu wayetsa libito watsi nguJakhini, lena lengasenyakatfo watsi nguBowazi.

2 Tikhronike 4:12

Kwakutinsika letimbili; netingcongwane letimbili letatisasitja letatisetihlokweni taletinsika, netinhlu letimbili taletiviliya letatihlobise letingcongwane letatisetihlokweni taletinsika;

2 Tikhronike 4:13

nalamahananandza labengema-400 aletinhlu letimbili tetiviliya, tinhlu letimbili temahananandza tesiviliya sisinye, tatihlobise letingcongwane letatisasitja letatisetihlokweni taletinsika,