2 Tikhronike 26:16 - Siswati 1996 Bible

¹⁶ Kodvwa kwatsi kube Uziya abe nemandla, kutiphakamisa kwakhe kwamdvonsela ekuweni. Akazange etsembeke kuSimakadze Nkulunkulu wakhe; wangena ethempelini laSimakadze washisa imphepho elatini lemphepho.

2 Tikhronike 26:16 Referencias Cruzadas

1 Emakhosi 12:33

Ngalelilanga leli-15 lenyanga yesiphohlongo, inyanga latikhetsela yona yena, abenta imihlatjelo elatini labelakhile eBetheli. Lomkhosi wawumisela ema-Israyeli, wakhuphukela elatini wayakwenta iminikelo.

1 Emakhosi 13:1

Ngelivi laSimakadze kwefika umuntfu waNkulunkulu eBetheli aphuma kaJuda, Jerobowamu aseme eceleni kwelilati kutekwenta umhlatjelo.

2 Emakhosi 14:10

Liciniso kutsi uyehlulile i-Edomu, nguko nje sewutikhukhumeta kangaka. Ludvumo alube kuwe ngekuncoba kwakho, kodvwa wena hlala phansi lapho kakho! Utibitelelani kuhlupheka, utidvonsele wena kuwa kwakho kanye nekwesive sonkhe sakaJuda?”

2 Emakhosi 15:5

Simakadze washaya inkhosi ngesifo lesisabulephelo, kwaze kwaba lilanga leyafa ngalo, yase ihlala endlini yayo yodvwa. Kwase kunguJothamu, umsa wayo, labesengamele sigodlo, sekunguye nalobusa sive eveni.

2 Tikhronike 12:1

Watsi kube Rehobowamu atinte ebukhosini acine, yena nema-Israyeli onkhe bawulahla umtsetfo waSimakadze.

2 Tikhronike 25:19

Utitjela kutsi njengobe wehlule baka-Edomu nje, sewulutfo, sewuyatigabatisa. Wena hlala phansi lapho kakho. Utibitelelani kuhlupheka, utidvonsele wena kuwa kwakho, kanye nekwesive sonkhe sakaJuda?”

2 Tikhronike 26:15

Lapha eJerusalema wakha imishini leyayisungulwe bochwepheshe kutsi isetjentiswe emibhoshongweni nasemakoneni ekuvimba titsa ngekudubula butjoki iphindze igicitele khona ematje lamakhulu. Wadvuma, waba nemandla, watiwa yonkhe indzawo, ngenca yekutsi Nkulunkulu nguye lowamsita ngalokumangalisako, waze waba nemandla.

2 Tikhronike 27:2

Jothamu wenta lokuhle emehlweni aSimakadze, njengobe uyise Uziya ebentile, kodvwa yena akazange ashise imphepho ethempelini laSimakadze. Noko bantfu bachubeka ngetindlela tabo temonakalo.

2 Tikhronike 32:25

Kodvwa inhlitiyo yakhe yatiphakamisa kangangekutsi akazange awunake lomusa longaka labentelwe wona, ngako lulaka lwaSimakadze lwehlela etikwakhe nasetikwaJuda neJerusalema.

Taga 16:18

Kutigcabha kwendvulela kufa, nemoya wekutiphakamisa wendvulela kuwa.

Danyela 11:12

Kuyawutsi imphi nase itfunjiwe, inkhosi yaseningizimu ikhukhumuke ngeligcabho, ibulale tinkhulungwane ngetinkhulungwane, noko ngeke ihlale ingungcongcoshe.

Danyela 8:8

Lesiphongo satikhukhumukisa saba sikhulu kakhulu, kodvwa kwatsi lapho sesinemandla, lwephuka loluphondvo lwaso lolukhulu, kwatsi esikhundleni salo kwamila timphondvo letine letigcamile, takhula taya etulu emimoyeni yomine yelizulu.

Habakhuki 2:4

“Nasi sembulo: Lotiphakamisako angeke aphephe, kodvwa lolungile uyawuphila ngekukholwa kwakhe.”

Numeri 16:1

Khora, umsa wa-Jisihari, lotalwa nguKhohati, umsa waLevi, nemaRubeni latsite, boDathani na-Abiramu, emadvodzana a-Eliyabe, kanye na-Oni, umsa waPhelethi, bedzelela,

Numeri 16:18

Ngako wonkhe umuntfu watsatsa sitja sakhe wafaka umlilo nemphepho kuso, bema kanye naboMosi na-Aroni ekungeneni kwelithende lekuhlangana.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Numeri 16:7

bese kutsi kusasa ekuseni nifake kuto umlilo nemphepho embikwaSimakadze. Lowo Simakadze latamkhetsa nguye loyawube angcwele. Nine maLevi senitiphakamise kakhulu.”

Numeri 17:5

Indvuku yalowo lengimkhetsile itawuhluma, ngitakucedza kanjalo kusola kwalama-Israyeli lakhononako.”

Dutheronomi 8:14

inhlitiyo yenu bese iyakhukhumala, nize nikhohlwe Simakadze Nkulunkulu wenu, lowanikhipha eGibhithe, eveni lebugcili.

Dutheronomi 8:17

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’

KubaseKholose 2:18

Akubete umuntfu lonilahla ngelicala, atsandza kutenta lotfobile, akhonte tingilosi, alibele ngimibono yakhe, atikhukhumeta ngelite engcondvweni yakhe.