2 Tikhronike 21:7 - Siswati 1996 Bible

⁷ Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

2 Tikhronike 21:7 Referencias Cruzadas

2 Samuweli 21:17

Kodvwa Abishayi, umsa waSeruya, welekelela Davide, wagadla lesichwaga wasibulala. Lamadvodza akaDavide afunga kuye atsi: “Ungabobe usaphuma natsi kuyakulwa imphi. Kuze ungasicimi sibane saka-Israyeli.”

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

1 Emakhosi 11:13

Kodvwa ngingeke ngidzabule wonkhe umbuso kuyo, kodvwa ngiyawuyinika sive sibe sinye ngenca yaDavide, inceku yami, nangenca yeJerusalema, lidolobha lengilikhetsile.”

1 Emakhosi 11:36

Umsa wakhe ngitamnika sive sibe sinye, kuze kutsi Davide, inceku yami, ihlale inesibane embikwami eJerusalema, lidolobha lengalikhetsela kutsi ngibeke Libito lami kulo.

1 Emakhosi 15:4

Noko-ke ngenca yaDavide Simakadze Nkulunkulu wakhe wamnika sibane eJerusalema ngekutsi amvusele indvodzana leyayitamlandzela, icinise neJerusalema.

2 Emakhosi 8:19

Noko ngenca yenceku yakhe Davide, Simakadze abengakatimiseli kubhubhisa sive sakaJuda. Abetsembisile kutsi uyawutigcinela sibane endlini yakaDavide kuze kube phakadze.

2 Emakhosi 8:24

Jehoramu wase uyakhotsama, wafihlwa emadlizeni aboyisemkhulu, eDolobheni laDavide. Ahaziya, umsa wakhe, waba yinkhosi esikhundleni sakhe.

2 Tikhronike 22:11

Kodvwa Jehosheba, indvodzakati yenkhosi Jehoramu, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala, ngobe Jehosheba, indvodzakati yenkhosi Jehoramu, lebengumfati wemphristi Jehoyada, abengudzadzewabo-Ahaziya. Wamfihla-ke lomntfwana ku-Athaliya kuze kutsi angambulali.

2 Tikhronike 23:3

lonkhe lelo bandla lenta sivumelwane kanye nenkhosi yalo lisethempelini laNkulunkulu. Jehoyada wakhuluma kubo, watsi: “Bukani, nayi indvodzana yenkhosi! Ngiyo letawubusa, njengobe Simakadze etsembisa mayelana netitukulwane taDavide.

2 Tikhronike 6:16

“Manje-ke, Simakadze, Nkulunkulu wema-Israyeli, gcina setsembiso sakho lowasenta encekwini yakho Davide, babe wami, ngesikhatsi utsi: ‘Ungeke umeswele umuntfu loyawuhlala embikwami esihlalweni sebukhosi saka-Israyeli, kuphela nje nangabe emadvodzana akho akucaphelisisa konkhe lakwentako, ngekuhamba kwawo njengekwemitsetfo yami, njengobe wena wentile.’

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Tihlabelelo 89:39

Sewusicitsile sivumelwane senceku yakho, umchele wayo uwutsele ngelihlazo, wawudzicela phansi.

Lukha 1:69

Usivusele uMsindzisi lonemandla, lositukulwane senceku yakhe Davide.

Lukha 1:79

kuletse kukhanya kulabo labasebumnyameni nasetfuntini lekufa, acondzise tinyawo tetfu endleleni yekuthula.”