2 Tikhronike 2:3 - Siswati 1996 Bible

³ Solomoni watfumela umlayeto kuHiramu, inkhosi yaseThire, watsi: “Ngitfumelele tingodvo temsedari, njengobe wenta kubabe wami Davide, ngesikhatsi umtfumelela tingodvo tekwakha sigodlo, lapho abetawuhlala khona.

2 Tikhronike 2:3 Referencias Cruzadas

2 Samuweli 5:11

Hiramu, inkhosi yaseThire, watfumela titfunywa kuDavide, kanye netingodvo temsedari, nebabati kanye nebacoti bematje, bafike bakha sigodlo saDavide.

1 Tikhronike 14:1

Hiramu, inkhosi yaseThire, watfumela titfunywa kuDavide, kanye netingodvo temsedari, nebacoti bematje kanye nebabati kutsi bayewumakhela sigodlo.

2 Tikhronike 13:11

Onkhe emalanga ekuseni nantsambama banikela kuSimakadze ngeminikelo yekushiswa nangemphepho lenuka kamnandzi. Balungisa sinkhwa etikwelitafula lelihlantekile ngekwemtsetfo, bakhanyise tibane letiselutsini lwegolide njalo nje ntsambama. Siyayigcina yonkhe imitsetfo yaSimakadze Nkulunkulu wetfu. Kodvwa nine senimlahlile.

2 Tikhronike 24:14

Batsi nase bacedze wonkhe lomsebenti, base bamikisa lemali leyayisele enkhosini nakuJehoyada; ngaleyo mali kwakhiwa timphahla tasethempelini laSimakadze: tintfo tekukhonta neteminikelo yekushiswa, netingwembe, naletinye nje tintfo letatakhiwe ngegolide nangesiliva. Ngaso sonkhe sikhatsi sekuphila kwaJehoyada iminikelo yekushiswa yayetfulwa njalo nje ethempelini laSimakadze.

2 Tikhronike 4:19

Solomoni wabuye wenta tonkhe timphahla letatilapho ethempelini laNkulunkulu, lekwakulilati legolide, nematafula lapho kwakuhlala khona sinkhwa sebukhona,

2 Tikhronike 8:13

njengobe kwakumisiwe nguMosi macondzana nayo yonkhe iminikelo yemalanga onkhe, neyemaSabatha, neyekwetfwasa kwenyanga kanye neyemikhosi lemitsatfu yeminyaka leyayimisiwe, uMkhosi Wesinkhwa Lesingenamvubelo, neMkhosi Wemaviki kanye neMkhosi Wemadlangala.

Ezra 6:3

“Ngemnyaka wekucala wekubusa kwenkhosi Khuresi, inkhosi yakhipha umtsetfo macondzana nelithempeli laNkulunkulu eJerusalema lowatsi: ‘Lithempeli alakhiwe kabusha, khona litewuba yindzawo yekwenta iminikelo, netisekelo talo atakhiwe. Lifanele libe ngemamitha langaba ngema-27 kuphakama, nemamitha langaba ngema-27 bubanti,

Nehemiya 10:34

“Tsine-ke baphristi nemaLevi kanye nesive sente inkatho kuze sitewubona kutsi indlu ngayinye ingawuletsa nini umnikelo endlini yaNkulunkulu wetfu ngetikhatsi letimisiwe emnyakeni, lekungumnikelo wetinkhuni tekubaswa elatini lelisendlini yaSimakadze longuNkulunkulu wetfu, njengobe kubhaliwe emtsetfweni.

Eksodusi 25:30

Etikwalelitafula kufanele ubeke sinkhwa lesinikelwe kimi, lekufanele sibesembikwami ngaso sonkhe sikhatsi.”

Eksodusi 29:38

“Naku-ke lotawunikela ngako elatini njalo ngemalanga onkhe: Uyawunikela emazinyane etimvu lamabili lanemnyaka munye budzala.

Eksodusi 29:39

Lizinyane lelinye utabolinikela ekuseni, lelinye ulinikele entsambama nakushona lilanga.

Eksodusi 29:41

Niyawunikela leli lelinye lizinyane entsambana kanye nalowo mnikelo walokutinhlavu nemnikelo wawo wesinatfo njengasekuseni. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Eksodusi 30:7

“Aroni utaboshisa imphepho lenuka kamnandzi, njalo nje ekuseni nakalungisa letibane.

Levithikusi 23:2

“Tjela sive sema-Israyeli utsi: ‘Lena-ke ngimikhosi yami lengiyimisile, lekufanele ema-Israyeli ayatise kutsi ingcwele.

Levithikusi 9:17

Wanikela ngemnikelo walokutinhlavu, wacupha libinta ngesandla walishisela elatini. Phela loku kwakwentiwa ekwengeteni umnikelo wekushiswa wasekuseni.

Numeri 28:11

“ ‘Ngelilanga lekucala enyangeni niyakwetfula kuSimakadze umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa, lanemnyaka munye budzala, nalangenasiyela.

Numeri 28:9

“ ‘Ngelilanga leliSabatha yentani umnikelo ngemazinyane lamabili lanemnyaka munye langenasiyela, niwanikele kanye nemnikelo wawo wesinatfo nemnikelo walokutinhlavu longemalitha langaba mane nencenye yafulaha lobhicwe nemafutsa.