2 Tikhronike 17:3 - Siswati 1996 Bible

³ Simakadze abenaJehoshafati, ngobe abehamba etindleleni taDavide, uyise, labehamba kuto ebusheni bakhe. Akazange abute indlela kuboBhali,

2 Tikhronike 17:3 Referencias Cruzadas

Genesisi 39:21

Simakadze wajinge waba naye, wamentela umusa, wamupha kutsandzeka emehlweni emgcinijele.

2 Samuweli 5:10

Wachubeka waba nemandla kakhulu, ngobe Simakadze Nkulunkulu longuSomandla abenaye.

2 Samuweli 8:15

Davide wawabusa onkhe ema-Israyeli, enta loko lokulungile kubo bonkhe bantfu bakhe.

1 Emakhosi 11:6

Ngako Solomoni wenta lokubi emehlweni aSimakadze. Akazange alandzele Simakadze ngalokuphelele, njengobe kwakwente uyise Davide.

1 Emakhosi 22:43

Kuko konkhe Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze. Noko tindzawo letiphakeme tekukhontela tithico akazange atisuse, ngako bantfu babesachubeka nekwentela kuto imihlatjelo batfuncise netimphepho.

1 Emakhosi 3:3

Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.

2 Emakhosi 14:3

Wenta lokuhle emehlweni aSimakadze, kodvwa noko hhayi njengeyisemkhulu Davide. Kuko konkhe walandzela etinyatselweni teyise Jowashi.

2 Emakhosi 16:2

Ahazi abeneminyaka lengema-20 budzala, nakabekwa kuba yinkhosi. Wabusela eJerusalema iminyaka leli-16. Akazange ahambe etinyatselweni teyise Davide, wenta lokubi emehlweni aSimakadze Nkulunkulu wakhe.

2 Emakhosi 18:3

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Emakhosi 22:2

Josaya wenta lokuhle emehlweni aSimakadze, wahamba ngato tonkhe tindlela teyise Davide, akazange aphambukele ngesekudla nome ngesancele.

1 Tikhronike 22:18

Watsi kubo: “Simakadze Nkulunkulu wenu akekho ngakini yini? Akaniniki yini kuthula kuyo yonkhe indzawo? Ubanikele kimi bonkhe labakhile kulelive, lelive liphetfwe nguSimakadze kanye nesive sakhe.

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 17:2

Wemisa emasotja kuwo onkhe emadolobha latinqaba kaJuda, wemisa emabutfo kaJuda nasemadolobheni aka-Efrayimu labetfunjwe nguyise Asa.

2 Tikhronike 17:4

kodvwa wabuta kuNkulunkulu weyise, walandzela imiyalo yakhe esikhundleni sekulandzela bubi lobabentiwa baka-Israyeli.

2 Tikhronike 20:32

Jehoshafati wahamba etinyatselweni teyise Asa, akazange aphambuke kuto, wenta lokuhle emehlweni aSimakadze.

2 Tikhronike 21:12

Jehoramu watfola incwadzi leyayiphuma kumphrofethi Elija itsi: “Naku lokushiwo nguSimakadze, Nkulunkulu weyihlo Davide, utsi: ‘Awukahambi etinyatselweni teyihlo Jehoshafati neta-Asa, inkhosi yakaJuda.

2 Tikhronike 22:9

Wase uyahamba wayawutfungatsa Ahaziya, lamadvodza akakhe ambhadzama asebhace eSamariya. Ambamba amletsa kuJehu, wafike wabulawa. Base bayamfihla, ngobe babetsi: “Abengumsa waJehoshafati lowafuna Simakadze ngayo yonkhe inhlitiyo yakhe.” Ngako kwasala kungasenamuntfu endlini yaka-Ahaziya labengaba nemandla lenele kuphatsa umbuso.

2 Tikhronike 27:6

Jothamu wakhula waba nemandla, ngobe abehamba ngekwetsembeka embikwaSimakadze Nkulunkulu wakhe.

2 Tikhronike 29:2

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Tikhronike 34:2

Wenta lokuhle emehlweni aSimakadze, wahamba ngetindlela teyise Davide, akazange aphambukele ngesekudla nome ngesancele.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Eksodusi 4:12

Hamba nyalo! Ngiyawukusita nase ukhuluma, ngikutjele kutsi utawukhuluma utsini.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Jeremiya 2:23

“Ungasho kanjani-ke utsi: ‘Angikangcoliswa, angikabalandzeli boBhali’? Ase ubuke kutsi watiphatsa njani esihosheni, cabangisisa ngaloko lokwentile. Ulikamela lelisikati leligijima kakhulu, leligijima lapha nalapha,

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Matewu 18:20

“Ngobe lapho kuhlangene khona lababili nome labatsatfu egameni lami, nami ngikhona emkhatsini wabo.”

Matewu 25:16

“Masinyane lesi lesemukela lasihlanu sawatalisa, saze satfola lamanye lasihlanu.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

2 kuThimothi 4:22

INkhosi ayibe nemoya wakho. Umusa awube nani.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Tikhulu 2:11

Ngako sive sema-Israyeli senta lokubi emehlweni aSimakadze; sakhonta boBhali.

Tikhulu 2:18

Kwakutsi njalo nje Simakadze nakabavusela sikhulu, abenaso lesikhulu, abasindzise etandleni tetitsa tabo, nasisekhona leso sikhulu; ngobe Simakadze abeba nesihe nabo ngesikhatsi sebakhaliswa kucindzetelwa nakushaywa titsa tabo.

Tikhulu 6:12

Kwatsi ingilosi yaSimakadze nayifika kuGideyoni, yatsi: “Simakadze unawe, chawe lelinemandla.”

Tikhulu 8:33

Wenelela kufa nje Gideyoni, ema-Israyeli aphindze abuyela kuboBhali, aphinga nabo ngekubakhonta. Atimisela Bhali Bherithi, atsi ngunkulunkulu wawo,

1 Samuweli 18:12

Sawula abesamesaba loDavide, ngobe Simakadze abenaDavide asasukile kuSawula.

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 18:5

Konkhe Sawula labemtfuma kona Davide abekwenta aphumelele kangangekutsi Sawula wadzimate wamnika sikhundla sekutsi aphatse emabutfo emphi. Loko kwasijabulisa sonkhe sive kanye netindvuna takhe Sawula.