2 Tikhronike 16:8 - Siswati 1996 Bible

⁸ EmaKushe nemaLibhiya abengesiyo yini imphi lenemandla nalenetincola letinyenti nebagibeli bemahhashi labanyenti? Noko watsi kube wetsembele kuSimakadze, Simakadze wase ubanikela esandleni sakho.

2 Tikhronike 16:8 Referencias Cruzadas

2 Tikhronike 12:3

Abehlome ngetincola temphi letiyi-1 200, nebagibeli bemahhashi labati-60 000; nemasotja labephume nawo eGibhithe abengenakubalwa: kungemaLibhiya, nemaSukhi kanye nameKushe.

2 Tikhronike 13:16

Ema-Israyeli abalekela emaJuda; Nkulunkulu wawanikela etandleni tebakaJuda.

2 Tikhronike 13:18

Ema-Israyeli ehlulwa kanjalo, kwatsi bakaJuda bancoba, ngobe babencike kuSimakadze Nkulunkulu waboyise.

2 Tikhronike 14:8

Asa abenembutfo lowawunemasotja lati-300 000 akaJuda, ahlome ngemahawu lamakhulu kanye netikhali; emasotja akaBhenjamini wona abeti-280 000, wona ahlome ngemahawu lamancane kanye nebutjoki. Onkhe lamasotja bekutihlabani cobo lwato.

2 Tikhronike 16:7

Ngaleso sikhatsi Hanani, umboniswa, weta ku-Asa, inkhosi yakaJuda, wakhuluma kuye watsi: “Njengobe wetsembele enkhosini yaseSiriya, esikhundleni sekwetsembela kuSimakadze Nkulunkulu wakho, umbutfo waseSiriya sewukushiyile wakubalekela.

2 Tikhronike 24:24

Nome emaSiriya abete nemabutfo lambalwa kutawuhlasela, Simakadze wanikela etandleni tawo emabutfo lamanyenti. Loko wakwenta, ngobe Juda abesamlahlile Simakadze, Nkulunkulu waboyisemkhulu, sigwebo sehliselwa etikwaJowashi.

Isaya 18:2

lelitfumela titfunywa ngelwandle, tintante ngetikebhe temhlanga etikwemanti, ngitsi: “Hambani masinyane, mancusa lanematubane, nibuyele esiveni sakini lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula.

Nahume 3:9

IKushe neGibhithe bekungemandla ayo lamakhulu; iPhuthi neLibhiya, bangani bayo.