2 Tikhronike 15:4 - Siswati 1996 Bible

⁴ Kodvwa ekuhluphekeni kwabo bancandzeka babuyela kuSimakadze, Nkulunkulu wema-Israyeli, bamfuna bamtfola.

2 Tikhronike 15:4 Referencias Cruzadas

2 Tikhronike 15:15

Bonkhe bakaJuda basijabulela lesifungo, ngobe babesifunge ngenhlitiyo yabo yonkhe. Bafunisisa Simakadze, bamtfola. Ngako Simakadze wabanika kuphumula ndzawana tonkhana.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 33:12

Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

Tihlabelelo 106:44

Noko walunaka lusizi lwabo, asakuvile kukhala kwabo.

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Isaya 55:6

Funani Simakadze asenekutfolakala; mbiteni asesedvute.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Zakhariya 1:3

Ngako-ke tjela bantfu, utsi: Naku lokushiwo nguSimakadze longuSomandla, utsi: ‘Buyelani kimi,’ kusho Simakadze longuSomandla, ‘nami ngitawubuyela kini,’ kusho Simakadze longuSomandla.

KubaseRoma 10:20

Na-Isaya waba nesibindzi nakamemetela livi laNkulunkulu atsi: “Ngatfolwa ngulabo lababengakangifuni, ngatibonakalisa kulabo lababengakangiceli.”