2 Tikhronike 15:2 - Siswati 1996 Bible

² Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 15:2 Referencias Cruzadas

1 Emakhosi 11:25

Rezoni abesitsa sema-Israyeli ngaso sonkhe sikhatsi kusabusa Solomoni, naye engeta kulokuhlushwa Solomoni labehlushwa ngako nguHadadi. Ngako Rezoni wabusa eSiriya, acabana njalo na-Israyeli.

1 Emakhosi 18:18

Elija waphendvula watsi: “Kute lengimhluphe ngako Israyeli, kodvwa nguwe nemndeni weyihlo. Uyiyekele imiyalo yaSimakadze, wabe sewulandzela boBhali.

2 Emakhosi 21:14

Insali yelifa lami ngitayifulatsela, ngiyetfule etitseni tayo. Insali itawuphangwa ichwagwe ngito tonkhe titsa tayo,

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 11:12

Wabeka emahawu netikhali kuwo onkhe lamadolobha, wawenta acina kakhulu. Ngako lakaJuda nelakaBhenjamini aba ngaphansi kwakhe.

2 Tikhronike 12:5

Umphrofethi Shemaya weta kuRehobowamu nakubaholi bakaJuda lababehlanganele eJerusalema ngenca yekwesaba Shishaki, wafike wakhuluma kubo watsi: “Naku lokushiwo nguSimakadze, utsi: ‘Ningilahlile, nami-ke senginiyekelela kuShishaki.’ ”

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

2 Tikhronike 13:4

Abiya wemisa eNtsabeni iSemarayimu, eveni letintsaba kulaka-Efrayimu, wamemeta watsi: “Jerobowamu nani nonkhe sive saka-Israyeli, lalelani kimi!

2 Tikhronike 15:15

Bonkhe bakaJuda basijabulela lesifungo, ngobe babesifunge ngenhlitiyo yabo yonkhe. Bafunisisa Simakadze, bamtfola. Ngako Simakadze wabanika kuphumula ndzawana tonkhana.

2 Tikhronike 15:4

Kodvwa ekuhluphekeni kwabo bancandzeka babuyela kuSimakadze, Nkulunkulu wema-Israyeli, bamfuna bamtfola.

2 Tikhronike 20:15

Wakhuluma watsi: “Lalela, nkhosi Jehoshafati, nilalele nani nonkhe lenihlala kaJuda naseJerusalema! Naku-ke lokushiwo nguSimakadze kini, utsi: ‘Ningesabi, futsi ningaphelelwa nangemandla ngenca yalemphi lenkhulu kangaka. Ngobe kulwa akusiko kwenu, kodvwa kwaNkulunkulu.

2 Tikhronike 20:17

Singeke sibe khona sidzingo sekuyilwa lemphi. Tihleleni, nime ngetindzawo tenu; manini nicine nitewubona kusindzisa kwaSimakadze, nine bakaJuda nebaseJerusalema. Ningesabi, futsi ningapheli emandla. Kusasa loku lokusako, phumani niyewubhekana nabo, naSimakadze utawuba nani.’ ”

2 Tikhronike 20:20

Ekuseni ngeluvivi baphuma bacondza eHlane laseThekhowa. Batsi basaphuma, Jehoshafati wasukuma watsi: “Lalelani lapha kimi, nine bakaJuda nani sive saseJerusalema; kholwani Simakadze Nkulunkulu wetfu, nitawusimama. Kholwani loko lokushiwo baphrofethi bakhe, nitawuphumelela.”

2 Tikhronike 24:20

Ngako Moya waNkulunkulu wehlela kuZakhariya, umsa waJehoyada, umphristi. Wasukuma wema embikwesive watsi: “Naku lokushiwo nguNkulunkulu, utsi: ‘Aniyilaleli ngani imiyalo yaSimakadze? Ngeke niphumelele. Njengobe nimfulatsela Simakadze, naye sewunifulatsele.’ ”

2 Tikhronike 26:5

Wafuna Nkulunkulu ngemalanga ekuphila kwaZakhariya, lowamfundzisa kwesaba Nkulunkulu. Ngesikhatsi asafuna Simakadze, Nkulunkulu wamupha imphumelelo.

2 Tikhronike 32:8

Kuye kunemkhono wenyama, kodvwa kitsi kunaSimakadze Nkulunkulu wetfu lotasisita atilwe letimphi tetfu.” Bantfu bema sibindzi ngaloko Hezekiya, inkhosi yakaJuda, lakusho kubo.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

2 Tikhronike 33:12

Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

2 Tikhronike 34:3

Kwatsi ngemnyaka wesiphohlongo wekubusa kwakhe, asesemncane impela, wacala wafunisisa Nkulunkulu weyisemkhulu Davide. Kwatsi ngemnyaka weli-12 wacala kuhlambulula lakaJuda nelaseJerusalema, wesusa tonkhe tindzawo letiphakeme tekukhontela tithico, netinsika ta-Ashera, netithico letibatiwe, netitfombe letibunjiwe.

Ezra 8:22

Nganginemahloni kutsi ngicele inkhosi kutsi isinike emasotja nalagibele emahhashi kutsi asiphekeletele kusivikela etitseni tetfu endleleni, ngobe sase sivele siyitjelile inkhosi ngaloko, satsi: “Sandla lesihle saNkulunkulu wetfu sisetikwalowo nalowo lomfunako, kodvwa intfukutselo yakhe iphambene nalabo labamlahlako.”

Tihlabelelo 34:4

Ngakhuleka kuSimakadze, wangiphendvula, wangikhulula kuko konkhe kwesaba kwami.

Tihlabelelo 53:2

Nkulunkulu utsi asezulwini abe abuka bonkhe bantfu, kuze atewubona kutsi ukhona yini umuntfu lohlakaniphile, nome munye nje, lofuna Nkulunkulu.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Isaya 7:13

Isaya wase utsi: “Lalela lapha, wenandlu yakaDavide! Kuyini kini lokube solomane nihluphana netinhlitiyo tebantfu? Nyalo senifuna nekuhlupha Nkulunkulu wami yini kantsi?

Jeremiya 2:17

Ngabe anikatiletseli nine yini loku, ngalokutsi nishiye Simakadze Nkulunkulu wenu ngesikhatsi asanihola kahle endleleni?

Amose 5:14

Funani lokuhle, hhayi lokubi, khona nitewuphila. Khona-ke Simakadze Nkulunkulu longuSomandla uyawuba nani, njengobe nani nisho kutsi unani.

Zakhariya 1:3

Ngako-ke tjela bantfu, utsi: Naku lokushiwo nguSimakadze longuSomandla, utsi: ‘Buyelani kimi,’ kusho Simakadze longuSomandla, ‘nami ngitawubuyela kini,’ kusho Simakadze longuSomandla.

Numeri 14:42

Ningacali nenyuke, ngobe Simakadze akekho emkhatsini wenu. Titsa tenu titawunehlula,

Numeri 14:43

ngobe ema-Amaleki nemaKhenani atawuhlangana nani lapho. Njengobe nisukile kuSimakadze, naye angeke abe nani, ngako nitakuwa ngelusiko lwenkemba.”

Matewu 13:9

“Lonendlebe yekuva akeve!”

Dutheronomi 20:1

“Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.

Dutheronomi 31:17

Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’

Dutheronomi 4:29

Kodvwa khona lapho nanifuna Simakadze Nkulunkulu wenu, niyawumtfola nanimfunisisa ngenhlitiyo yenu yonkhe nangemphefumulo wenu wonkhe.

KumaHebheru 10:38

Kodvwa lolungile wami ngekukholwa uyawuphila; kodvwa nangabe ahlehla nyova, ngingeke ngimjabulele.”

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.

Joshuwa 22:31

Finehasi, umsa wa-Eleyazare, umphristi, wakhuluma esiveni sakaRubeni, nesakaGadi, nesakaManase, watsi: “Lamuhla sesiyati kutsi Simakadze unatsi, ngobe kute lapha lenikwentile lokukhombisa kungetsembeki kwenu kuSimakadze ngalendzaba. Ema-Israyeli seniwasindzisile esandleni saSimakadze.”

Joshuwa 24:20

Nanihlubuka Simakadze bese nikhonta bonkulunkulu betive, utawujika aniletsele inhlekelele etikwenu, anente niphele, nome bekamuhle kini.”

Sembulo 2:11

“ ‘Lowo lonendlebe akeve loko lokushiwo nguMoya emabandleni! “ ‘Lowo loncobako ngeke kumente lutfo kufa kwesibili.’ ”

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Sembulo 2:29

“ ‘Lowo lonendlebe akeve loko lokushiwo nguMoya emabandleni!’ ”

Sembulo 2:7

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika kutsi adle esihlahleni sekuphila, lesisePharadisi yaNkulunkulu.’ ”

Sembulo 3:13

“ ‘Lowo lonendlebe akeve loko lokushiwo nguMoya emabandleni!’ ”

Sembulo 3:22

“ ‘Lowo lonendlebe akeve loko lokushiwo nguMoya emabandleni!’ ”

Sembulo 3:6

“ ‘Lowo lonendlebe akeve loko lokushiwo nguMoya emabandleni!’ ”

Tikhulu 10:13

Kodvwa nine nangifulatsela mine, nakhonta labanye bonkulunkulu; ngako-ke ngingeke ngiphindze nginisindzise.

Tikhulu 9:7

Jothamu watsi kube atjelwe ngaloko, wenyuka waya esicongweni seNtsaba iGerizimu, wafike wamemetela khona watsi: “Lalelani kimi, takhamiti taseShekhemu, kuze Nkulunkulu anilalele.

1 Samuweli 12:14

Kuyawuba kuhle kini, naniyakumesaba Simakadze, nimkhonte yena, nimlalele, ningamelani nemiyalo yakhe, nangabe nine kanye nenkhosi yenu lebusa etikwenu niyawulandzela Simakadze Nkulunkulu wenu.

1 Samuweli 12:15

Kodvwa naningamlaleli Simakadze, nimelana nanemiyalo yakhe, sandla sakhe siyakumelana nani, njengobe semelana naboyihlomkhulu.