2 Tikhronike 13:9 - Siswati 1996 Bible

⁹ Kodvwa anizange yini nibacoshe baphristi baSimakadze, emadvodzana a-Aroni, nemaLevi, nase nitibekela baphristi benu nenta njengobe tive talamanye emave tenta? Ngulowo nalowo lota kutekutinikela nekwehlukaniselwa aphetse inkunzana netihhanca letisikhombisa angaba ngumphristi waleto tithico tenu.

2 Tikhronike 13:9 Referencias Cruzadas

1 Emakhosi 13:33

Ngisho nome sekwenteke loku, Jerobowamu akazange aphendvuke etindleleni takhe letimbi, kodvwa wachubeka wabeka baphristi bekukhonta etindzaweni letiphakeme tekukhontela, abekhetsa nome ngumuphi umuntfu labefisa kuba ngumphristi, amehlukanisele indzawo lephakeme yekukhonta.

2 Emakhosi 19:18

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutigodvo nje nematje labatwe tandla tebantfu.

1 Tikhronike 29:5

kanye nekwekwenta tintfo tegolide netesiliva kanye nekwekwenta tonkhe tintfo letitakwentiwa bantfu labanelikhono. Manje-ke ngubani lofuna kunikela kuSimakadze?”

2 Tikhronike 13:10

“Tsine-ke, Simakadze unguNkulunkulu wetfu, kantsi futsi sisengakamlahli. Baphristi labakhonta Simakadze kusengabo bona labo labangemadvodzana a-Aroni, nalababasitako kusengawo emaLevi.

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

Eksodusi 29:1

“Naku lofanele ukwente nawunikela bo-Aroni nemadvodzana akhe kulenkonzo yekuba baphristi: Ubotsatsa inkunzana, netihhanca letimbili letingenasiyela.

Eksodusi 29:29

“Tembatfo ta-Aroni letingcwele tiyawuba temadvodzana akhe, nasafile; ayawutembatsa nasagcotjiwe.

Eksodusi 29:35

“Lemisimeto yemgcobo uboyenta ku-Aroni nakumadvodzana akhe njengobe ngikuyalile, iyawutsatsa emalanga lasikhombisa.

Eksodusi 32:29

Mosi wakhuluma kumaLevi watsi: “Lamuhla senitehlukanisele Simakadze ngentsengo yekubulala lowo nalowo indvodzana yakhe nemnakabo. Ngako-ke lamuhla sewunibusisile.”

Jeremiya 2:11

Sive sake santjintjiselana yini ngabonkulunkulu baso? Yebo kona abasibo bonkulunkulu balutfo. Kodvwa sive sami sintjintjise ngenkhatimulo yaNkulunkulu waso, sakhonta tithico letingenamsebenti.

Jeremiya 5:7

“Kufanele ngani kutsi nginitsetselele? Bantfwabenu bangishiyile mine, bafunga ngemabito abonkulunkulu labangesibo bonkulunkulu. Ngabanika konkhe lababekweswele, noko bachubeka nekuphinga, babutsana etindlini tetingwadla.

Hoseya 8:6

Lesithico siphuma ka-Israyeli! Lelitfole lentiwe ngumuntfu loyingcweti kutekubata, alisiye Nkulunkulu. Litakwephulwa libe ticucu, lelo tfole laseSamariya.

Levithikusi 16:32

UMphristi Lomkhulu logcotjwe ngalokufanele nalobekwe kulandzela uyise, nguye loyawukwenta inhlawulo yekubuyisana kuSimakadze. Uyawugcoka letembatfo tebuphristi,

Levithikusi 8:2

“Tsatsa bo-Aroni nemadvodzana akhe ubemise ekungeneni kwelithende lekuhlangana, uletse tembatfo tabo tebuphristi, nemafutsa emgcobo, nenkunzi yemnikelo wesono, netihhanca letimbili, nelibhasikidi lelinetinkhwa letingenambiliso,

Imisebenti yebaPhostoli 19:26

Niyatibonela, futsi niyativela konkhe lokwentiwa ngulendvodza lenguPawula. Utsi bonkulunkulu labakhiwe ngetandla abasibo bonkulunkulu sibili, sewugucule bantfu labanyenti, hhayi kuleli lase-Efesu kuphela kodvwa cishe kulo lonkhe lase-Asiya.

KubaseGalathiya 4:8

Kodvwa nisengakamati Nkulunkulu nanigcilatwe bonkulunkulumbumbulu,

Dutheronomi 32:17

Benta imihlatjelo emadimonini langasiye Nkulunkulu, bonkulunkulu labangazange sebaze babati, bonkulunkulu lababesandza kuvela nje, bonkulunkulu boyihlo labebangazange sebabesabe.