2 Tikhronike 13:7 - Siswati 1996 Bible

⁷ Lamanye emavukelambuso, langemadvodza lamabi, ahambisana naye amsekela avukela Rehobowamu, umsa waSolomoni, asesemncane, angakatinti, futsi naye asengakacini kutsi angemelana nabo.

2 Tikhronike 13:7 Referencias Cruzadas

2 Samuweli 3:39

Lamuhla mine nome sengigcotjiwe, kodvwa angikacini, lamadvodzana aSeruya atidlova. Shangatsi Simakadze angamkhokhisa lomubi ngetento takhe letimbi!”

1 Emakhosi 21:10

Kodvwa nibobe senihlalisa emahuzu lamabili embikwakhe, niwente afakaze kutsi ucalekise Nkulunkulu nenkhosi, bese nimkhiphela ngephandle, nimgcobe ngematje, aze afe.”

1 Emakhosi 21:13

Kwase kuvela emacili lamabili ahlala macondzana naye, abeka Nabothi licala embikwebantfu, atsi: “Nabothi ucalekise Nkulunkulu nenkhosi.” Ngako base bayamtsatsa Nabothi bamkhiphela ngephandle kwelidolobha, bamgcoba ngematje, waze wafa.

2 Tikhronike 10:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena muti waDavide!” Ngako ema-Israyeli esuka onkhe atibuyelela emathendeni awo.

2 Tikhronike 12:13

Rehobowamu, inkhosi, watinta eJerusalema waba yinkhosi sibili. Abeneminyaka lengema-41 budzala, nakabekwa kuba yinkhosi, wabusela eJerusalema iminyaka leli-17, lidolobha Simakadze labelikhetsile emkhatsini wato tonkhe tive taka-Israyeli kutsi abeke kulo Libito lakhe. Libito lenina bekunguNama, awesive sema-Amoni.

Jobe 30:8

luhlobo lwebantfu lababi nalabalihlazo lelingachazeki, bacoshwa bakhishwa eveni.

Tihlabelelo 26:4

Angihambisani nebantfu bemanga, futsi anginabudlelwane nebatentisi.

Taga 12:11

Lolima umhlaba wakhe uyawuba nenala yekudla; kodvwa lolibala kulandzelana netintfo letingenamsebenti akanangcondvo.

Taga 28:19

Umuntfu lowulimako umhlaba wakhe uhlala anenala; kodvwa lolibala kulandzelana nemisebenti lelite uyakwesutsa bumphofu.

Umshumayeli 10:16

Nako kuwe wena live, nangabe sigcili sesigucuke saba yinkhosi yakho, kantsi nebantfwabenkhosi belive lakini badla lidzili ekuseni.

Isaya 3:4

Ngiyakwenta bafana babe tindvuna tabo; bayawuphatfwa bantfwana nje.

Imisebenti yebaPhostoli 17:5

Kodvwa emaJuda aba nemona ase abutsa tihlophoyi letatitizulela etitaladini atihlanganisa, atsi atisuse umsindvo tihlasele umuti waJasoni, afuna kukhipha boPawula naSilasi abaletse embikwemkhambatsi.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

Dutheronomi 13:13

kutsi sekuvele bantfu lababi emkhatsini wenu baphambukisa bantfu balelo dolobha labo babedukise batsi: ‘Asambe siyewukhonta labanye bonkulunkulu,’ leningazange senibati,

kuThithusi 1:10

Ngobe banyenti labangalaleli, nalabakhuluma lite, nalabacala emanga, ikakhulu labaphuma enkholweni yebuJuda.

KumaHebheru 5:12

Bekufanele kutsi ngabe senibafundzisi nyalo, kodvwa nisadzinga lotanifundzisa, nicalele phansi etinyatselweni tekucala temfundziso yelivi laNkulunkulu. Solo nidzinga lubisi, hhayi kudla lokucinile.

Tikhulu 11:3

Ngako-ke Jeftha wabaleka ekhaya kubo, abalekela bomnakabo, wayawuhlala eveni lakaThobu, lapho efika kwabutsana tonkhe tihlophoyi kuye, tamsingatsa, tamlandzela, taphuma naye.

Tikhulu 9:4

Tamnika isiliva leyayingemagremu labengaba ngema-800, letatiyitsetse ethempelini laBhali Bherithi. Abimeleki walisebentisa ekucasheni tidlova letaba balandzeli bakhe.

1 Samuweli 22:2

Kwatsi bonkhe laba bebahluphekile, nalababenetikwelede, nalababengeneliseki babutsana kuye, waba ngumholi wabo. Kwaba ngemadvodza labengaba ngema-400.