2 Tikhronike 13:12 - Siswati 1996 Bible

¹² Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

2 Tikhronike 13:12 Referencias Cruzadas

2 Tikhronike 24:20

Ngako Moya waNkulunkulu wehlela kuZakhariya, umsa waJehoyada, umphristi. Wasukuma wema embikwesive watsi: “Naku lokushiwo nguNkulunkulu, utsi: ‘Aniyilaleli ngani imiyalo yaSimakadze? Ngeke niphumelele. Njengobe nimfulatsela Simakadze, naye sewunifulatsele.’ ”

2 Tikhronike 32:8

Kuye kunemkhono wenyama, kodvwa kitsi kunaSimakadze Nkulunkulu wetfu lotasisita atilwe letimphi tetfu.” Bantfu bema sibindzi ngaloko Hezekiya, inkhosi yakaJuda, lakusho kubo.

Jobe 40:9

Unawo yini umkhono lofanana newaNkulunkulu? Lona liphimbo lakho liyadvuma yini njengelakhe?

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Jeremiya 2:37

Nawe utawusuka kuleyo ndzawo, utawusuka ujabhile, ngobe Simakadze sewubalahlile labo bewukadze ubetsemba, bangeke bakusite ngalutfo.”

Jeremiya 50:24

Ngakubekela lugibe, wena Bhabhulona, wavele wabhajwa ungakati ngalo, watfolakala, wabanjwa, ngobe wemelana naSimakadze.

Hezekeli 17:9

“Khuluma kubo utsi: ‘Naku lokushiwo yiNkhosi Simakadze, itsi: Lomvini utawuphumelela yini? Ungeke yini usishulwe netimphandze tawo, uhhululwe tonkhe letitselo tawo, khona utewubuna? Onkhe lamahlumela awo lamasha atawubuna. Ungeke udzinge emandla lamakhulu nome nje-ke bantfu labanyenti kutsi bawusiphule ngetimphandze tawo.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Numeri 14:41

Mosi wakhuluma watsi: “Pho, nentelani lokungawulaleli umyalo waNkulunkulu? Loku ngeke kuphumelele!

Numeri 23:21

“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

Numeri 31:6

Mosi wabatfumela emphini. Kwaphuma inkhulungwane esiveni sisinye, wabakhipha naFinehasi, umsa wa-Eleyazare, umphristi. Yena-ke watsatsa tintfo endzaweni lengcwele, watsatsa nemacilongo lababetawukhombisa ngawo indlela.

Imisebenti yebaPhostoli 5:39

kodvwa nangabe kuphuma kuNkulunkulu, ningeke nibehlule. Nitatikhandza kutsi senilwa naNkulunkulu.” Liqoqo lawulalela umyalo waGamaliyeli.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 20:4

Ngobe Simakadze Nkulunkulu wakho nguye lohamba nawe kuyakulwa naletitsa takho akuphe nekuncoba.’

Dutheronomi 28:29

Kuyawutsi emini kala bha, niphumphutse indlela njengemphumphutse ebumnyameni. Aniyiwuphumelela kuko konkhe lenikwentako, imihla ngemihla niyawube nicindzetelekile, niphangwe, kubete nalonephulako.

KumaHebheru 2:10

Konkhe lokukhona kukhona kuye nangaye Nkulunkulu. Ngako-ke kwakuvele kumfanele kutsi yena ente Jesu apheleliswe ngekuhlupheka; wamenta waba ngumvuli wendlela yekusindziswa kwemadvodzana lamanyenti ngekuwaletsa ebukhosini.