2 Tikhronike 10:16 - Siswati 1996 Bible

¹⁶ Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena muti waDavide!” Ngako ema-Israyeli esuka onkhe atibuyelela emathendeni awo.

2 Tikhronike 10:16 Referencias Cruzadas

2 Samuweli 15:13

Sitfunywa sefika sabika kuDavide, satsi: “Tinhlitiyo tawo onkhe emadvodza aka-Israyeli setiku-Absalomu.”

2 Samuweli 16:11

Davide wakhuluma ku-Abishayi nakuto tonkhe tindvuna takhe, watsi: “Indvodzana yami lephuma elukhalweni lwami, ngiyo lefuna kungibulala. Kangakanani-ke lomBhenjamini! Myekeleni anjalo, akachubeke angicalekise, ngobe utjelwe nguSimakadze kutsi akakwente.

2 Samuweli 20:1

Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

1 Emakhosi 11:13

Kodvwa ngingeke ngidzabule wonkhe umbuso kuyo, kodvwa ngiyawuyinika sive sibe sinye ngenca yaDavide, inceku yami, nangenca yeJerusalema, lidolobha lengilikhetsile.”

1 Tikhronike 17:14

Ngiyakummisa etikwesive sami nasetikwembuso wami phakadze naphakadze. Sihlalo sakhe sebukhosi siyawuhlala sisimile phakadze naphakadze.’ ”

2 Tikhronike 10:17

Kodvwa Rehobowamu wachubeka wabusa etikwawo onkhe lawo ma-Israyeli labehlala emadolobheni akaJuda.

2 Tikhronike 10:19

Ngako ema-Israyeli solomane yesuka ngalelo langa alwisana nendlu yakaDavide kuze kube ngulamuhla.

Tihlabelelo 132:17

Ngiyawuvusa lomunye wetitukulwane taDavide, ngimente abe yinkhosi lenkhulu. Umgcotjwa wami ngimlungiselele sibane, kutsi bukhosi bakhe bukhanye njalo.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Isaya 11:1

Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.

Amose 9:11

“Ngalelo langa ngiyakulivusa kabusha lithende laDavide leliwile. Ngiyakutakha kabusha tindzawo talo letephukile, ngiwakhe kabusha emadzibikelo alo, ngiphindze ngilakhe libe nguloku lelake laba nguko,

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

Johane 6:66

Emvakwaloko labanyenti bebafundzi bakhe bamhlubuka, abazange baphindze bahambe naye.

Johane 7:53

Base bayahamba-ke, ngulowo nalowo watibuyelela ekhaya lakhe.

Imisebenti yebaPhostoli 2:30

Njengemphrofethi-ke ati futsi kutsi Nkulunkulu abetsembisile ngesifungo kuye kutsi uyawukhetsa lomunye wesitukulwane sakhe amente abe yiNkhosi njengaye.

1 kubaseKorinthe 15:25

Ngobe Khristu kumele abuse, aze Nkulunkulu ancobe tonkhe titsa takhe atibeke ngephansi kwetinyawo takhe.

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”

Tikhulu 8:35

Akazange entele umusa emndenini waJerubhali lekwakunguGideyoni, njengako konkhe lokuhle labekwentele wona.

1 Samuweli 20:27

Kodvwa ngelilanga lelilandzelako, lilanga lesibili kuleyo nyanga, lendzawo yaDavide yaphindze yabate umuntfu lohlala kuyo. Sawula wase ubuta kuJonathani, umsa wakhe, watsi: “Kwentiwe yini kutsi umsa waJese angeti kutakudla, itolo nalamuhla?”

1 Samuweli 22:13

Sawula watsi kuye: “Ningibopheleleni lisu wena nendvodzana yaJese, ngekutsi umnike sinkhwa nenkemba, waze wambutela nakuNkulunkulu, kuze amelane nami, angilalele endleleni, njengobe enta lamuhla?”

1 Samuweli 22:7

Sawula wakhuluma kuto watsi: “Lalelani, madvodza akaBhenjamini! Indvodzana yaJese itaninika nonkhe yini emasimi netivini? Itanenta nonkhe yini kutsi nibe tindvuna tetinkhulungwane netindvuna temakhulu?

1 Samuweli 22:9

Kodvwa Dowegi, um-Edomu, labeme kanye netindvuna taSawula, watsi: “Ngiyibonile indvodzana yaJese iya eNobi ku-Ahimeleki, umsa wa-Ahitubi.