2 Samuweli 8:8 - Siswati 1996 Bible

⁸ Davide watitsatsela incumbi yelitfusi edolobheni laseThebha, nelaseBherothayi, emadolobha labebuswa nguHadadezeri.

2 Samuweli 8:8 Referencias Cruzadas

2 Samuweli 8:7

Davide watsatsa lamahawu egolide labengewetindvuna taHadadezeri, wahamba nawo, wawayisa eJerusalema.

1 Emakhosi 11:23

Nkulunkulu waphindze wamvusela lesinye sitsa Solomoni, lesasinguRezoni, umsa wa-Eliyada, labebaleke kumnumzane wakhe, Hadadezeri, inkhosi yaseSobha.

1 Tikhronike 18:1

Kwatsi emvakwaloko, Davide wahlasela emaFilisti wawehlula, wawemuka emandla ekutibusa eveni, watfumba iGathi kanye nemiti yayo leyayiyitungeletile, wayikhipha ekubusweni ngemaFilisti.

1 Tikhronike 18:8

Davide watitsatsela incumbi yelitfusi edolobheni laseThebha nelaseKhuni, emadolobha labebuswa nguHadadezeri. Lelitfusi lasetjentiswa nguSolomoni ekwakheni libhavu lelitfusi, netinsika kanye naletinye tintfo letatentiwa ngelitfusi.

1 Tikhronike 22:14

“Kungibite imijuluko leshisako kutsi ngente emalungiselelo ekwakhiwa kwelithempeli laSimakadze, ngicokelele igolide lengemathani langetulu kweti-3 400, nesiliva lengemathani langetulu kweti-34 000. Ngetulu kwaloko kunetincumbi telitfusi kanye netensimbi letingeke tikaleke. Futsi-ke nginetingodvo nematje lasalungiswe kahle, kodvwa-ke kufuneka ukwengete.

1 Tikhronike 22:16

yegolide, neyesiliva, neyelitfusi, neyensimbi, kube nebabati longeke ubabale. Manje-ke sale uwucala lomsebenti, Simakadze akabe nawe.”

1 Tikhronike 29:7

Banikelela umsebenti wekwakha lithempeli laNkulunkulu: igolide lengemathani lali-170 nemakhilogremu langema-84, nesiliva lengemathani langema-340, nelitfusi lelingemathani langema-620, nensimbi lengemathani lati-3 400.

Hezekeli 47:16

naseBerotha, naseSibrayimu lesemkhatsini weminyele yelive laseDamaseko neyalaseHamathi, udzimate uyewufika eHaseri Hathikhoni, lesemnyeleni waseHawurani.