2 Samuweli 8:2 - Siswati 1996 Bible

² Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

2 Samuweli 8:2 Referencias Cruzadas

2 Samuweli 12:31

nalabantfu bebalapho wabakhipha wabafaka emsebentini lababewenta ngemasaha, nangemapiki ensimbi, nangemazembe, wabafolomisa netitini. Konkhe loku wakwenta kuwo onkhe emadolobha ema-Amoni. Davide nawo onkhe emabutfo akhe base bayancandzeka babuyela eJerusalema.

2 Samuweli 8:6

Davide wase umisa tinkambu temabutfo eSiriya laseDamaseko. EmaSiriya ase aba bantfu bakhe atsela kuye Davide. Simakadze wapha Davide kuncoba nome ngukuphi lapho ahlasela khona.

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

2 Emakhosi 1:1

Emvakwekufa kwa-Ahabi Mowabi wavukela Israyeli.

2 Emakhosi 17:3

Shalmaneseri, inkhosi yase-Asiriya, wakhuphuka watawuhlasela Hosheya, labengumuntfu longaphansi kwakhe, atsela kuye umtselo.

1 Tikhronike 18:2

Davide wachubeka wahlasela nemaMowabi, wawehlula. Ngako emaMowabi ase aba ngaphansi kwakhe, aletsa imitselo yawo kuDavide.

2 Tikhronike 26:8

Ema-Amoni aletsa tetfulo ku-Uziya, ludvumo lwakhe lwandza lwaze lwefika khashane eminyeleni yaseGibhithe, ngobe abesanemandla kakhulu.

Tihlabelelo 108:9

Mowabi ngumgezelo wami, etikwa-Edomu ngulapho ngijika khona sicatfulo sami, etikweFilistiya ngiyetsaba ngidle siga.”

Tihlabelelo 18:45

Bonkhe baphelelwa ngemandla, beta bachachatela baphuma emigedzeni yabo.

Tihlabelelo 60:10

Awu, Nkulunkulu, wena usilahlile. Awu, Nkulunkulu, awusahambi nemabutfo etfu emphi.

Tihlabelelo 60:8

Mowabi ungumgezelo wami, etikwa-Edomu ngijika sicatfulo sami. Nine maFilisti, memetani, ningikhonte.”

Tihlabelelo 83:6

Kuhlangene bonkhe baka-Edomu labasemathendeni, nebaka-Ishmayeli, nebakaMowabi, nebakaHagari,

Isaya 36:16

“Inkhosi yase-Asiriya itsi: ‘Ningamlaleli Hezekiya, yentani sivumelwane nami, niphume nite kimi, nguleyo naleyo ndvodza-ke iyawube seyitidlela kahle esivinini sayo, nasemkhiwaneni wayo, inatse nemanti laphuma emtfonjeni wayo,

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

1 Samuweli 10:27

Kodvwa labanye belutfutfuva babebuta batsi: “Kodvwa lomuntfu angasisindzisa kanjani?” Bamedzelela, bangete baletsa ngisho nasinye setfulo. Kodvwa Sawula watithulela nje.

1 Samuweli 14:47

Watsi kube Sawula abekwe kuba yinkhosi yema-Israyeli, walwa nato tonkhe titsa takhe letatimtungeletile: emaMowabi, nema-Amoni, nema-Edomu, nemakhosi aseSobha kanye nemaFilisti. Abetsi lapho ajikele ngakhona, ente umonakalo.

1 Samuweli 22:3

Davide wesuka lapho waya eMispa yakaMowabi, wafike wakhuluma enkhosini yakhona, watsi: “Ngicela kukhontela bobabe namake bahlale lapha kakho, ngize ngati kahle kutsi Nkulunkulu utangentelani.”

1 Samuweli 22:4

Wase uyabaletsa, beta enkhosini yakaMowabi, bahlala nayo ngaso sonkhe leso sikhatsi, yena asesebhacile enqabeni.