2 Samuweli 8:11 - Siswati 1996 Bible

¹¹ Inkhosi Davide letintfo yatinikela kuSimakadze, njengobe beyentile nangaleti tesiliva, nangetegolide letatiphuma kuto tonkhe tive beyitincobile, yatitfumba:

2 Samuweli 8:11 Referencias Cruzadas

2 Samuweli 8:10

Thoyi wase utfumela indvodzana yakhe Joramu kuDavide, inkhosi, kutsi iyekumbingelela iphindze imhalalisele ngekuncoba kwakhe emphini yabo naHadadezeri. Hadadezeri abeke walwa naThoyi ngaphambili. Joramu waphatsela Davide tintfo tesiliva, netegolide, netelitfusi.

1 Emakhosi 7:51

Kwatsi nase kuphele wonkhe umsebenti inkhosi Solomoni labewentele lithempeli laSimakadze, wase ungenisa ngekhatsi tonkhe tintfo letatinikelwe nguyise, Davide. Bekuyisiliva, negolide, nato tonkhe timphahla. Wakubeka konkhe endlini yengcebo ethempelini laSimakadze.

1 Tikhronike 18:11

Inkhosi Davide letintfo yatinikela kuSimakadze, njengobe beyentile nangaleti tesiliva, nangetegolide letatiphuma kuto tonkhe letive beyitincobile yatitfumba: ema-Edomu, nemaMowabi, nema-Amoni, nemaFilisti kanye nema-Amaleki.

1 Tikhronike 29:2

Ngetame ngawo onkhe emandla ami kulungisa tonkhe tintfo tekwakha lelithempeli laNkulunkulu wami, ngilungise igolide yekwakha tonkhe tintfo tegolide, nesiliva yekwakha tonkhe tintfo tesiliva, nelitfusi lekwakha tonkhe tintfo telitfusi, nensimbi yekwakha tonkhe tintfo tensimbi, netingodvo tekwakha tonkhe tintfo telukhuni, ne-oniksi yekuhlobisa ngemigca, nethekhosi, nematje lamibalabala, netinhlobonhlobo tematje laligugu lacolisakele kanye netintfo temabuli; konkhe loku kunyenti kakhulu.

2 Tikhronike 5:1

Kwatsi nase kuphele wonkhe umsebenti inkhosi Solomoni labewentele lithempeli laSimakadze, wase ungenisa ngekhatsi tonkhe tintfo letatinikelwe nguyise Davide. Bekuyisiliva negolide, nato tonkhe timphahla. Wakubeka konkhe endlini yengcebo ethempelini laNkulunkulu.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”