2 Samuweli 7:7 - Siswati 1996 Bible

⁷ Yonkhe indzawo lapho bengihamba khona nema-Israyeli, ngase ngasho yini khona kumunye webaholi babo, lengangibatfuma kutsi beluse sive sami ema-Israyeli, ngatsi: “Awukangakheli ngani indlu yekuhlala yemisedari?” ’

2 Samuweli 7:7 Referencias Cruzadas

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

1 Tikhronike 11:2

Kadzeni, ngesikhatsi Sawula ayinkhosi, nguwe lowawuhola sive sema-Israyeli nasiyawulwa timphi. Simakadze Nkulunkulu wakho wakhuluma kuwe, watsi: ‘Wena utawuba ngumelusi wesive sami, ema-Israyeli, ube ngumbusi waso.’ ”

1 Tikhronike 17:6

Yonkhe indzawo lapho bengihamba khona nema-Israyeli, ngase ngasho yini khona kumunye webaholi babo lengangibatfuma kutsi beluse sive sami, ema-Israyeli, ngatsi: “Awukangakheli ngani indlu yekuhlala yemisedari?” ’

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 23:4

Ngiyawubeka etikwawo belusi labayakuwunakekela, ungeke uphindze wesabe nome wetfuswe lutfo, futsi kute nayinye leyawulahleka,” kusho Simakadze.

Jeremiya 3:15

“Ngiyawube sengininika belusi benhlitiyo yami, labayakunihola ngelwati nangekucondza.

Hezekeli 34:15

Mine ngekwami ngiyawukwelusa timvu tami ngitilalise phansi, kusho iNkhosi Simakadze.

Hezekeli 34:2

“Ndvodzana yemuntfu, phrofetha umelane nebelusi baka-Israyeli; phrofetha ukhulume kubo, utsi: ‘Naku lokushiwo yiNkhosi Simakadze, itsi: Nako kubelusi baka-Israyeli labatinakekela bona kuphela! Belusi akukafaneli yini kutsi banakekele umhlambi?

Hezekeli 34:23

Ngiyawubeka etikwato umelusi abe munye, inceku yami Davide, yena uyawutinakekela; uyakuba ngumelusi wato, atinakekele.

Mikha 5:4

Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Imisebenti yebaPhostoli 21:28

amemeta atsi: “Madvodza aka-Israyeli, sitani! Nangu lomuntfu lohamba tonkhe tindzawo afundzisa bantfu lokuphambene nesive sakitsi, nemtsetfo waMosi kanye nalendzawo. Manje-ke sewudzimate wafaka bantfu betive ethempelini kutsi batewungcolisa lendzawo lengcwele.”

Dutheronomi 23:14

Ngobe Simakadze Nkulunkulu wenu wehla enyuka emkhatsini wenu enkambu, entela kunivikela nekwetfula titsa tenu etandleni tenu. Inkambu yenu kufanele ibe ngcwele, khona angetiwukhandza lutfo lolubi emkhatsini wenu, aze ancandzeke anifulatsele.”

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi: