2 Samuweli 7:3 - Siswati 1996 Bible

³ Nathani wayiphendvula inkhosi, watsi: “Loko lonako engcondvweni yakho, chubeka ukwente, ngobe Simakadze unawe.”

2 Samuweli 7:3 Referencias Cruzadas

2 Samuweli 7:4

Ngalobo busuku kwefika livi laSimakadze kuNathani, latsi:

1 Emakhosi 1:8

Kodvwa boSadoki, umphristi, naBhenaya, umsa waJehoyada, naNathani, umphrofethi, naShimeyi, naReyi, kanye nabomahlalesangweni belikhetselo baDavide abazange batihlanganise na-Adoniya.

2 Emakhosi 4:27

Watsi kube efike kulomuntfu waNkulunkulu entsabeni, wabamba tinyawo ta-Elisha. Gehazi weta kuye wafike wamfuca, amkhweshisa; kodvwa lomuntfu waNkulunkulu watsi: “Myekele! Uselusizini lolukhulu, kodvwa Simakadze ungifihlele loko, futsi nami abesengakangitjeli.”

1 Tikhronike 22:7

Davide watsi kuSolomoni: “Msawami, benginesifiso enhlitiyweni yami sekutsi ngakhe indlu, ngiyakhele Libito laSimakadze Nkulunkulu wami.

1 Tikhronike 28:2

Inkhosi Davide yasukuma yema ngetinyawo, yatsi: “Lalelani kimi, nine bomnaketfu nesive sakitsi. Bekuvele kusenhlitiyweni yami kutsi ngakhe indlu letawuba yindzawo lapho kutawuphumula khona libhokisi lesivumelwane saSimakadze, senabelo setinyawo taNkulunkulu wetfu; lawo malungiselelo bese ngivele ngiwentile.

1 Tikhronike 29:29

Imininingwane ngekubusa kwaDavide, kusukela ekucaleni kuze kube ngusekugcineni, kubhaliwe emlandvweni waSamuweli, umboniswa, nasemlandvweni waNathani, umphrofethi, kanye nasemlandvweni waGadi, umboniswa.

2 Tikhronike 29:25

Wemisa emaLevi ethempelini laSimakadze aphetse emasimbali, nemahabhu, nemalire ngayo yona leyo ndlela leyayimiswe nguDavide naGadi, umboniswa wenkhosi, kanye naNathani, umphrofethi. Loko bekungumyalo lowetfulwa nguSimakadze ngebaphrofethi bakhe.

Tihlabelelo 20:4

Akakuphe njengekufisa kwenhlitiyo yakho, afeze tonkhe tinhloso takho.

Tihlabelelo 37:4

Yenta Simakadze abe yinjabulo yakho, yena-ke utakupha lokufiswa yinhlitiyo yakho.

1 yaJohane 2:27

Kodvwa nine ninekugcotjwa kwaMoya lokukini lenakwemukela kuKhristu; ngako-ke asikho sidzingo sekutsi ningabuye nifundziswe ngulomunye umuntfu. Lokunigcoba kwakhe kunifundzisa tonkhe tintfo, futsi kuliciniso, akusiwo emanga; njengobe kunifundzisile-ke, hlalani nikuye.

1 Samuweli 10:7

Nase kwentekile konkhe loko, ubobe sewenta loko sandla sakho lesifinyelela kukwenta, ngobe Nkulunkulu unawe.

1 Samuweli 14:7

Loludzibi lwakhe lwatsi: “Yenta konkhe lokusengcondvweni yakho. Chubeka; ngikanye nawe ngenhlitiyo nangemphefumulo.”

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”