2 Samuweli 7:19 - Siswati 1996 Bible

¹⁹ Kwaba shangatsi konkhe loku bekungakeneli kuwe. Awu! Nkhosi, Simakadze! Manje sewukhulume ngisho nangelikusasa lendlu yenceku yakho. Kungabe kantsi lena nguyona ndlela lophatsa ngayo bantfu bakho yini, Nkhosi, Simakadze?

2 Samuweli 7:19 Referencias Cruzadas

2 Samuweli 12:8

Ngakupha indlu yenkhosi yakho kanye nebafati benkhosi yakho kutsi babe bakho. Ngakupha indlu yaka-Israyeli neyakaJuda. Kube konkhe loku bekukuncane kakhulu kuwe, ngabe ngikwengetele ngakunika lokunye ngetulu.

2 Emakhosi 3:18

Loku yintfo lemalula kabi emehlweni aSimakadze, kantsi futsi naMowabi utamnikela etandleni tenu.

1 Tikhronike 17:17

Kwaba shangatsi konkhe loku bekungakeneli kuwe. Awu, Nkulunkulu! Manje sewukhulume ngisho nangelikusasa lendlu yenceku yakho. Yebo, Simakadze Nkulunkulu, ungibheke kwaba shangatsi ngiphakeme kakhulu kunabo bonkhe bantfu.

Tihlabelelo 36:7

Yebo, Nkulunkulu, umusa wakho uligugu lelikhulu. Bantfu basemhlabeni bayakhosela emtfuntini wetimphiko takho.

Hezekeli 34:18

Akukeneli yini kini kutsi niklabe edlelweni lelihle? Futsi kufanele yini kutsi nigcobagcobe lencenye yelidlelo ngetinyawo tenu? Akukeneli yini kini kunatsa lamanti lahlobile? Kufanele yini kutsi niwadvunge ngetinyawo tenu lamanti?

Numeri 16:13

Akukakwenelisi lokutsi wasikhipha eveni lelivundzile leligcwele lubisi neluju lwetinyosi, wasiletsela kutesibulala lapha ehlane? Nyalo ufuna kulibala kutibusa la etikwetfu?

Numeri 16:9

Akukanenelisi yini lokutsi Nkulunkulu wema-Israyeli watehlukanisela nine kuso sonkhe sive sema-Israyeli, wanenta nabasedvute naye kutsi nente inkonzo ethendeni laSimakadze, nime embikwesive, nisikhonte?

Kubase-Efesu 2:7

kuze kutsi etikhatsini letitako abonakalise kitsi ingcebo lenkhulu yemusa wakhe ngekusiphatsa ngebubele ngaKhristu Jesu.

Joshuwa 5:14

Yaphendvula yatsi: “Cha, kodvwa ngite lapha njengendvuna yemphi yaSimakadze.” Joshuwa wawa phansi ngebuso emhlabatsini, akhotsama, wayibuta watsi: “Ingabe inkhosi yami inamlayeto muni leyiwunika inceku yayo?”