2 Samuweli 7:18 - Siswati 1996 Bible

¹⁸ Inkhosi Davide yase iyahamba yayawungena ethendeni lebukhona baSimakadze, yafike yahlala phansi, yathandaza yatsi: “Bengingubani mine, Nkhosi Simakadze? Yona indlu yeketfu beyiyini, kutsi ungangihola kuze kube ngumanje?

2 Samuweli 7:18 Referencias Cruzadas

Genesisi 32:10

Umusa wakho awukangifaneli nako konkhe kwetsembeka kwakho lokubonakalise kimi, inceku yakho, akukangifaneli. Ngobe lomfula iJordane ngawewela ngiphetse ludvondvolo lwami lodvwa, manje senginemacembu lamabili.

Genesisi 32:11

Ngicela kutsi umane ungephule esandleni semnaketfu Esawu, ngobe ngiyamesaba, kutsi angahle angihlasele abulale bantfwana kanye nabonina.

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

2 Samuweli 7:17

Nathani wawabika kuDavide onkhe lamavi aso sonkhe leso sembulo.

1 Tikhronike 17:16

Inkhosi Davide yase iyahamba yayawungena ethendeni lebukhona baSimakadze, yafike yahlala phansi, yathandaza yatsi: “Bengingubani mine, Simakadze Nkulunkulu? Yona indlu yaketfu beyiyini kutsi ungangihola kuze kube ngulapha?

1 Tikhronike 29:14

“Empeleni mine bengingubani, sona sive sami besiyini kutsi besingakhona kunikela kakhulu kangaka? Konkhe kuphuma kuwe, natsi sikunike kona loko lokuphuma esandleni sakho.

Tihlabelelo 8:4

“Pho, umuntfu abeyini-ke kutsi ungadzimate umkhumbule; nendvodzana yemuntfu beyiyini-ke kutsi ungadzimate uyinakekele?”

Eksodusi 3:11

Mosi wakhuluma kuNkulunkulu, watsi: “Ngingubani mine kutsi ngingaya kuFaro, ngiyewukhipha ema-Israyeli eGibhithe?”

Isaya 37:14

Hezekiya watsatsa lencwadzi kuletigijimi wayifundza, wase ukhuphukela nayo ethempelini laSimakadze, wafike wayendlala embikwaSimakadze.

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.

Tikhulu 6:15

Gideyoni wabuta, watsi: “Kodvwa Simakadze, ngingamsindzisa njani Israyeli? Lusendvo lwakitsi alusilutfo kuso sonkhe sive sakaManase, nami ngingulomncane kakhulu emndenini waketfu.”

Ruthe 2:10

Ruthe wakhotsamisa buso bakhe, wabonga, watsi: “Kungani ngizuze umusa longaka kuwe nekutsi unginake kangaka ngiwetive?”

1 Samuweli 15:17

Samuweli watsi: “Nome wena utibona ungulomncane, kodvwa manje uyinhloko yetive tema-Israyeli; Simakadze wakugcoba kutsi ube yinkhosi etikwema-Israyeli.

1 Samuweli 18:18

Kodvwa Davide watsi kuSawula: “Bengingubani mine, yona indlu yaketfu iyini, lona lusendvo lwababe beluyini esiveni saka-Israyeli, kutsi mine bengingaba ngumkhwenyane wenkhosi?”

1 Samuweli 9:21

Sawula wamphendvula watsi: “Kantsi mine angisiye umBhenjamini yini, lophuma esiveni lesincane kakhulu ka-Israyeli, lona lusendvo lwakitsi aluluncane kakhulu yini kunato tonkhe tinsendvo tesive sakaBhenjamini? Pho, ukhulumelani kimi kanjalo?”