2 Samuweli 5:7 - Siswati 1996 Bible

⁷ Noko, Davide wayitfumba inqaba yaseSiyoni, lidolobha laDavide.

2 Samuweli 5:7 Referencias Cruzadas

2 Samuweli 5:8

Ngalelo langa Davide wakhuluma, watsi: “Lowo lotawuncoba emaJebhusi kufanele asebentise imihubhe yemanti, khona atewufikela ‘kulabatishosha nalabatimphuphutse,’ labatitsa taDavide.” Ngiko nje batsi: “ ‘Timphumphutse netishosha’ tingeke tingene endlini.”

2 Samuweli 5:9

Davide watsi kube ayitfumbe lenqaba, wabe sewuhlala kuyo, wayetsa libito watsi Lidolobha laDavide. Wakha lidolobha ndzawo tonkhe kuyitungeleta, kusukela kulendzawo leyayigcwalisiwe ngasemphumalanga neligcuma.

2 Samuweli 6:10

Ngako wangabe asavuma kulitsatsa ahambe nalo aye eJerusalema, Lidolobha laDavide. Wabe sewuyaphambuka, walimikisa ekhaya ka-Obedi Edomu, waseGathi.

2 Samuweli 6:12

Inkhosi Davide bayitjela batsi: “Simakadze sewuyibusisile indlu yaka-Obedi Edomu, kanye nako konkhe kwakakhe ngenca yelibhokisi lesivumelwane saSimakadze.” Ngako Davide wase uyehla uyawulandza libhokisi lesivumelwane saNkulunkulu ekhaya ka-Obedi Edomu, weta nalo, waliletsa eJerusalema, Lidolobha laDavide, ahamba ajabula.

2 Samuweli 6:16

Latsi libhokisi lesivumelwane saSimakadze nalingena eDolobheni laDavide, Mikhali, indvodzakati yaSawula, wabukela, avele ngelifasitelo. Watsi nakabona inkhosi Davide igiya igcabashula embikwaSimakadze, wayedzelela enhlitiyweni yakhe.

1 Emakhosi 2:10

Davide wase uyakhotsama, wangcwatjwa eDolobheni laDavide.

1 Emakhosi 3:1

Solomoni wakha buhlobo naFaro, inkhosi yaseGibhithe, washada nendvodzakati yakhe. Wayitsatsa wayibeka eDolobheni laDavide, waze wacedza kwakha sigodlo sakhe, nelithempeli laSimakadze kanye netibondza letatitungelete iJerusalema.

1 Emakhosi 8:1

Inkhosi Solomoni yase imema tonkhe timphunga tema-Israyeli kutsi tite eJerusalema, nabo bonkhe baholi betive tema-Israyeli, netinhloko tetindlu tema-Israyeli, kutsi tite enkhosini Solomoni tiletse libhokisi lesivumelwane saSimakadze, lisuke eSiyoni, Lidolobha laDavide.

1 Emakhosi 9:24

Kwatsi kube kufike indvodzakati yaFaro iphuma eDolobheni laDavide, ite esigodlweni Solomoni labesayakhele sona, Solomoni wakha tibebesi.

1 Tikhronike 11:7

Davide wangena wahlala kuleyo nqaba, ngako yabitwa ngekutsi Lidolobha laDavide.

2 Tikhronike 24:16

Wangcwatjwa emadlizeni emakhosi eDolobheni laDavide ngenca yebuhle labebentile ka-Israyeli, abentela Nkulunkulu nelithempeli lakhe.

2 Tikhronike 5:2

Solomoni wase umema tonkhe timphunga tema-Israyeli kanye nabo bonkhe baholi betive tema-Israyeli, netinhloko tetindlu tema-Israyeli kutsi tite eJerusalema, tilandze libhokisi lesivumelwane saSimakadze lisuke eSiyoni, Lidolobha laDavide.

Nehemiya 3:15

LiSango Lemtfombo lavuswa nguShalumi, umsa waKholi Hoze, umbusi wesifundza saseMispa, walivusa walifulela, wafaka tivalo talo kanye nemavelevele alo nemishudvo yalo endzaweni yayo. Waphindze wavusa lubondza ngaseChibini laseSilowama ngasengadzeni yenkhosi, kuze kuyewufika ngasetitebhisini letewuka tisuka eDolobheni laDavide.

Tihlabelelo 132:13

Ngobe Simakadze uyikhetsile iSiyoni, kutsi ibe likhaya lakhe, watsi:

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 48:12

Hambani nitungelete iSiyoni, nijikelete nibale imibhoshongo yayo.

Tihlabelelo 48:3

Nkulunkulu usetindlini talo, naye utibonakalisile kutsi uyinqaba yalo sibili.

Tihlabelelo 51:18

Yentela iSiyoni lokuhle ngekwemusa wakho, utakhe kabusha tindvonga taseJerusalema.

Tihlabelelo 87:2

Emasango aseSiyoni uwatsandza kakhulu kunayo yonkhe imiti yakaJakobe.

Tihlabelelo 9:11

Dvumisani Simakadze lohlala eSiyoni! Tjelani tive ngetento takhe!

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 59:20

“Umhlengi uyawufika eSiyoni kulabo bakaJakobe labaphendvukako etonweni tabo,” kusho Simakadze.

Jeremiya 21:13

Ngiphambene nawe, Jerusalema, wena lohlala ngetulu kwalesihosha entsabeni lengemadvwala, kusho Simakadze. Nine lenikhulumako, nitsi: “Ngubani nje longasihlasela? Ngubani longangena kulenqaba yetfu?”

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

KubaseRoma 9:33

njengobe kubhaliwe kutsi: “Bheka, ngibeka eSiyoni litje lekukhubekisa nelidvwala lekuwisa; kepha lowo lokholwa kuye, angeke ajabhiswe.”

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

Sembulo 14:1

Ngatsi ngiyabuka ngabona liWundlu eNtsabeni yaseSiyoni lime nebantfu labati-144 000; babenelibito lalo, neleYise libhalwe emabuntini abo.