2 Samuweli 5:21 - Siswati 1996 Bible

²¹ EmaFilisti abaleka ashiya tithico tawo khona lapho, boDavide nemadvodza akakhe batitsatsela bahamba nato.

2 Samuweli 5:21 Referencias Cruzadas

Isaya 37:19

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutingodvo nje nematje labatwe tandla tebantfu.

Jeremiya 43:12

Uyakokhela umlilo emathempelini abonkulunkulu baseGibhithe; uyawubashisa abetfwale ahambe nabo batitfunjwa; live laseGibhithe uyawulihlantisisa, njengemelusi ahlantisisa lijazi lakhe kuze atsintsitse tonkhe tintfwala talo, aphume eGibithe angenamyocu.

Jeremiya 48:7

Njengobe netsembele etentweni tenu nasebunjingeni benu, nani niyawutsatfwa niyiswe ekutfunjweni, naKhemoshi, sithico senu, uyawuyiswa ekudzingisweni kanye nebaphristi bakhe netindvuna takhe.

Danyela 11:8

Uyawutfumba bonkulunkulu babo, netitfombe tabo tetinsimbi, netimphahla tabo letingemagugu tesiliva netegolide, atetfwale aye nato eGibhithe. Kuyawuba sikhatsi lesidze ayiyekele inkhosi yasenyakatfo atimele yedvwa.

Dutheronomi 7:25

Tithico tato niyakutishisa ngemlilo. Ningacali nihawukele isiliva negolide lekuto, ningatitsatseli loko, ngobe nitawubanjwa lugibe lwato, ngobe loko kusinengiso kuSimakadze Nkulunkulu wenu.

Dutheronomi 7:5

Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.