2 Samuweli 5:2 - Siswati 1996 Bible

² Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

2 Samuweli 5:2 Referencias Cruzadas

Genesisi 49:24

Kodvwa butjoki bakhe buhlala bucinile, imikhono yakhe iciniswa tandla taLonemandla waJakobe, nguMelusi loliDvwala laka-Israyeli.

2 Samuweli 6:21

Davide wamphendvula watsi: “Bengigcabashula embikwaSimakadze lona lowakhetsa mine kuneyihlo, nakubo bonkhe bantfu basendlini kakhe, mzukwane angigcoba kutsi ngibe ngumholi etikwesive saSimakadze, ema-Israyeli. Ngisetawugiya embikwaSimakadze.

2 Samuweli 7:7

Yonkhe indzawo lapho bengihamba khona nema-Israyeli, ngase ngasho yini khona kumunye webaholi babo, lengangibatfuma kutsi beluse sive sami ema-Israyeli, ngatsi: “Awukangakheli ngani indlu yekuhlala yemisedari?” ’

2 Samuweli 7:8

“Manje-ke tjela inceku yami Davide, utsi: ‘Naku lokushiwo nguSimakadze longuSomandla, utsi: “Ngakutsatsa emadlelweni, ekulandzeleni imihlambi, kutsi utewuba ngumholi wesive sami, ema-Israyeli.

2 Emakhosi 20:5

“Ncandzeka uyewutjela Hezekiya, umholi wesive sami, utsi: ‘Naku lokushiwo nguSimakadze, Nkulunkulu weyihlomkhulu, Davide, utsi: Ngiwuvile umthandazo wakho, ngatibona netinyembeti takho; ngitakuphilisa. Ngelilanga lesitsatfu kusukela lamuhla utawukhuphukela ethempelini laSimakadze.

1 Tikhronike 11:2

Kadzeni, ngesikhatsi Sawula ayinkhosi, nguwe lowawuhola sive sema-Israyeli nasiyawulwa timphi. Simakadze Nkulunkulu wakho wakhuluma kuwe, watsi: ‘Wena utawuba ngumelusi wesive sami, ema-Israyeli, ube ngumbusi waso.’ ”

2 Tikhronike 1:10

Ngiphe inhlakanipho nekucondza, kuze ngikwati kuhola lesive, ngobe ngubani nje longakhona kubusa lesive sakho lesikhulu kangaka?”

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 55:4

Buka la, ngimbeke waba ngufakazi etiveni, yebo, umholi nendvuna yetive.

Hezekeli 34:23

Ngiyawubeka etikwato umelusi abe munye, inceku yami Davide, yena uyawutinakekela; uyakuba ngumelusi wato, atinakekele.

Mikha 5:4

Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.

Numeri 27:17

iphume ingene embikwaso, isihole ngekusikhipha nekusingenisa, kuze sive saSimakadze singafani netimvu letingenamelusi.”

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Johane 10:11

“Mine ngingumelusi lolungile. Umelusi lolungile udzela kuphila kwakhe ngenca yetimvu.

KumaHebheru 2:10

Konkhe lokukhona kukhona kuye nangaye Nkulunkulu. Ngako-ke kwakuvele kumfanele kutsi yena ente Jesu apheleliswe ngekuhlupheka; wamenta waba ngumvuli wendlela yekusindziswa kwemadvodzana lamanyenti ngekuwaletsa ebukhosini.

1 Samuweli 13:14

Kodvwa manje umbuso wakho ungeke usakhonsa; Simakadze sewutifunele indvodza yenhlitiyo yakhe, wayibeka kutsi ibe ngumholi walesive sakhe, ngobe wena awukawugcini umyalo wakhe.”

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”

1 Samuweli 18:13

Sawula watfumela Davide, amcosha lapha kuye, watsi akahole libutfo lenkhulungwane emikhankhasweni yabo yekuhlasela.

1 Samuweli 18:16

Onkhe ema-Israyeli nemaJuda amtsandza Davide, ngobe abewahola ekuhlaseleni kwawo.

1 Samuweli 18:5

Konkhe Sawula labemtfuma kona Davide abekwenta aphumelele kangangekutsi Sawula wadzimate wamnika sikhundla sekutsi aphatse emabutfo emphi. Loko kwasijabulisa sonkhe sive kanye netindvuna takhe Sawula.

1 Samuweli 25:28

Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.

1 Samuweli 25:30

Utawutsi Simakadze angentela inkhosi yami konkhe lokuhle lakwetsembisa ngayo, nasayibeke yaba yinkhosi etikwa-Israyeli,

1 Samuweli 9:16

“Kusasa ngaso lesikhatsi ngitakutfumelela indvodza lephuma eveni lakaBhenjamini. Uboyigcoba ibe ngumholi etikwesive sami sema-Israyeli. Utawukhulula bantfu bami esandleni semaFilisti. Labantfu bami sengibabukile, nekukhala kwabo sekufikile kimi.”