2 Samuweli 4:4 - Siswati 1996 Bible

⁴ Jonathani, umsa waSawula, abenendvodzana leyayichwalile etinyaweni. Yayineminyaka lesihlanu, nakufika umbiko wekufa kwaSawula naJonathani eJezreyeli. Umzanyana wakhe wamtsatsa wammema, wabaleka naye; kodvwa watsi asabhudvuteliswa kubaleka, lendvodzana yawa, yabe seyiba sishosha. Libito layo bekunguMefiboshethi.

2 Samuweli 4:4 Referencias Cruzadas

2 Samuweli 21:7

Inkhosi yambonelela Mefiboshethi, umsa waJonathani, umsa waSawula, ngenca yesifungo labasenta embikwaSimakadze boDavide naJonathani, umsa waSawula.

2 Samuweli 9:13

Mefiboshethi-ke abesahlala eJerusalema, ngobe abesadla nenkhosi etafuleni layo njalo nje. Abechwale tinyawo totimbili.

2 Samuweli 9:3

Inkhosi yabuta yatsi: “Sekwabate ngisho namunye yini wendlu yakaSawula lengingamentela umusa waNkulunkulu?” Siba waphendvula inkhosi watsi: “Isekhona indvodzana yaJonathani; mane nje yachwala tinyawo totimbili.”

2 Samuweli 9:6

Watsi Mefiboshethi, umsa waJonathani, lotalwa nguSawula, nefika kuDavide, wakhotsama, akhombisa kumhlonipha. Davide watsi: “Mefiboshethi!” Mefiboshethi watsi: “Ngiyinceku yakho.”

1 Emakhosi 11:17

Kodvwa Hadadi, labesengumfanyana, wabaleka waya eGibhithe kanye naletinye tinceku taka-Edomu letatisebentela uyise.

1 Tikhronike 8:34

Jonathani abenguyise waMeribhali, uyise waMikha.

1 Tikhronike 9:40

Indvodzana yaJonathani bekunguMeribhali, uyise waMikha.

1 Samuweli 29:1

EmaFilisti abutsa onkhe emabutfo awo awabutsela e-Afeki, kwatsi ema-Israyeli wona abutsana ngasemtfonjeni loseJezreyeli.

1 Samuweli 29:11

Ngako Davide nelibutfo lakakhe bavuka ekuseni nakudzabuka kusa, bancandzeka baya eveni lemaFilisti labebasikelwe lona. EmaFilisti wona akhuphuka aya eJezreyeli.